ગુજરાતનાં 11 જિલ્લામાં ત્રણ દિવસ પવન સાથે કમોસમી વરસાદની આગાહી
ગુજરાતમાં આગામી ત્રણ દિવસ સુધી કમોસમી વરસાદની આગાહી હવામાન વિભાગે કરી છે. સૌરાષ્ટ્ર-કચ્છમાં હળવાથી મધ્યમ વરસાદની શક્યતા છે, જ્યારે ઉત્તર, મધ્ય અને દક્ષિણ ગુજરાતમાં પણ વરસાદ ખાબકી શકે છે. સૌરાષ્ટ્રમાંથી પસાર થતી વરસાદી ટ્રફને કારણે આ સ્થિતિ સર્જાઈ છે. રાજ્યભરમાં 40થી 50 કિ.મી. પ્રતિ કલાકની ઝડપે પવન ફૂંકાવાની ચેતવણી પણ જાહેર કરાઈ છે.
હવામાન વિભાગના જણાવ્યા મુજબ, સાબરકાંઠા, અરવલ્લી, આણંદ, પંચમહાલ, દાહોદ, મહીસાગર, વડોદરા, છોટા ઉદેપુર, નર્મદા, ભરૂચ, સુરત, ડાંગ, નવસારી, વલસાડ, તાપી, દમણ, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, બોટાદ, કચ્છ, મોરબી, દ્વારકા અને ગીર સોમનાથમાં વરસાદની આગાહી છે.
માત્ર એક રૂપિયામાં T શર્ટ…. Veવહેલા તે પહેલાના ધોરણે
રાજ્યમાં ગાજવીજ સાથે વરસાદ અને ઝડપી પવનની શક્યતા છે, જેના કારણે ખેડૂતોમાં ચિંતા વધી છે. છેલ્લા પાંચ દિવસથી વરસાદની અસરે ખેતરોમાં પાકને નુકસાન થયું છે, જેનાથી ખેડૂતોની મહેનત પર પાણી ફરી વળ્યું છે.
છેલ્લા 10 દિવસથી રાજ્યના હવામાનમાં ફેરફાર થયો છે. મોટાભાગના વિસ્તારોમાં ભારે પવન અને વાવાઝોડા સાથે ભારે વરસાદ પડ્યો. ત્યારે હવામાન નિષ્ણાત અંબાલાલ પટેલે જણાવ્યું હતું કે આજથી 15 તારીખ સુધી રાજ્યના ઘણા ભાગોમાં વરસાદ પડશે. આ સમયગાળા દરમિયાન પ્રી-મોન્સૂનની અસર જોવા મળશે.
કયા જિલ્લામાં વરસાદ પડશે?
હવામાન વિભાગે દ્વારકા, જામનગર, મોરબી, સુરેન્દ્રનગર, અમદાવાદ, ગાંધીનગર, મહેસાણા, સુરત, છોટા ઉદેપુર, નર્મદા, તાપી, નવસારી, વલસાડ, દાદરા નગર હવેલી, દમણ, દાહોદ, મહિસાગર, કચ્છમાં વરસાદ અને વાવાઝોડાની આગાહી કરી છે.
