એ ધડામ... સોનામાં આજે આવ્યો સૌથી મોટો ધટાડો, મિડલ ક્લાસને સોનું ખરીદવાની સોનેરી તક
સોનાના ભાવમાં તીવ્ર ઘટાડો થયો. સ્પોટ ગોલ્ડ 2.1% ઘટીને $3,188.52 પ્રતિ ઔંસ થયું, જે 11 એપ્રિલ પછીનું સૌથી નીચું સ્તર છે. એક સમયે સોનું $3,174.62 પર આવી ગયું હતું. સીએનબીસી ઇન્ટરનેશનલના અહેવાલ અનુસાર આ ઘટાડા પાછળનું કારણ અમેરિકા અને ચીન વચ્ચે ટેરિફ ડીલની અપેક્ષાઓ છે.
આના કારણે, વૈશ્વિક બજારમાં જોખમ લેવાની ક્ષમતા વધી ગઈ અને રોકાણકારોએ "સલામત આશ્રયસ્થાન" એટલે કે સોનામાંથી રુપિયા ઉપાડવાનું શરૂ કર્યું. આ ઉપરાંત, ઈરાનના સર્વોચ્ચ નેતાના સલાહકાર અલી શામખાનીએ જણાવ્યું હતું કે ઈરાન અમેરિકા સાથે ચોક્કસ શરતો હેઠળ પરમાણુ કરાર કરવા તૈયાર છે, જો અમેરિકા આર્થિક પ્રતિબંધો દૂર કરે. આ નિવેદન મધ્ય પૂર્વના તણાવમાં ઘટાડો થવાનો સંકેત આપે છે, જેના કારણે સોનામાં વધુ ઘટાડો થયો.
સ્વતંત્ર મેટલ ટ્રેડર તાઈ વોંગે સીએનબીસી ઇન્ટરનેશનલને જણાવ્યું હતું કે યુએસ-ચીન ટેરિફમાં તીવ્ર ઘટાડાથી સોનામાં ટેકનિકલ સુધારો થયો છે. અમેરિકા અને ચીન ટેરિફ ઘટાડવા અને 90 દિવસ માટે વાટાઘાટો લંબાવવા સંમત થયા હોવાથી વોલ સ્ટ્રીટમાં પણ ઉછાળો જોવા મળ્યો. રાષ્ટ્રપતિ ટ્રમ્પે સંકેત આપ્યો કે તેઓ ચીનના રાષ્ટ્રપતિ શી જિનપિંગ સાથે સીધી વાતચીત કરી શકે છે.
હવે આગામી સંકેત ગુરુવારે યુએસ પીપીઆઈ ડેટા છે, જે ફેડરલ રિઝર્વ તેની આગામી વ્યાજ દર નીતિમાં શું કરી શકે છે તેનો સંકેત આપી શકે છે.
ચાંદી: 1.8% ઘટીને $32.29 પ્રતિ ઔંસ
પ્લેટિનમ: 0.5% ઘટીને $983.42
પેલેડિયમ: 0.1% વધીને $957.65
