દોસ્તો! આધાર કાર્ડ એ હવે સામાન્ય પરંતુ અગત્યનો પુરાવો થઇ ગયો છે. યુનિક આઈડેન્ટિફિકેશન ઓથોરિટી ઓફ ઈન્ડિયા એ કહ્યું કે જો આધાર કાર્ડ ઓપન માર્કેટમાં પ્રિન્ટ કરાવ્યું હશે ઉપરાંત, પ્લાસ્ટિક અથવા પીવીસીની શીટ પર પ્રિન્ટ કરાવ્યું હશે તો તે હવે માન્ય ગણાશે નહિ. જો તમે તેને ઓળખ માટે ક્યાંક બતાવશો તો તેને ધ્યાનમાં લેવામાં નહિ આવે.
બજારમાં છપાયેલું આધાર કાર્ડ સુરક્ષિત નથી
UIDAIનું કહેવું છે કે બજારમાં છપાયેલા પ્લાસ્ટિક અથવા PVC આધાર કાર્ડમાં ઘણી બધી સુરક્ષા સુવિધાઓ હોતી નથી. તેથી જ તે પોતે આવા કાર્ડના ઉપયોગને હતોત્સાહ કરવા માટે આગ્રહ રાખે છે. તેનો ઉપયાગ ઘટાડવા માગે છે. તેના બદલામાં, UIDAIએ ઘરે બેઠા જ ઓથોરિટી પાસેથી પ્રિન્ટ થયેલ પીવીસી આધાર કાર્ડ મંગાવવા માટેની સુવિધા આપી છે.
આ રીતે પીવીસી આધાર કાર્ડ બનાવો
જો તમને પ્લાસ્ટિક અથવા પીવીસી આધાર કાર્ડ જોઈતું હોય, તો તમે UIDAIની વેબસાઈટ પર જઈને તેનો ઓર્ડર આપી શકો છો. આ કાર્ડ તમને ઘરે બેઠા સ્પીડ પોસ્ટ દ્વારા મળશે અને તેના માટે તમારે માત્ર 50 રૂપિયા ચૂકવવા પડશે. આ કાર્ડમાં તમારી આધાર વિગતો સાથે QR કોડ હશે. ઉપરાંત ત્યાં ઘણી સુરક્ષા સુવિધાઓ અને વસ્તી વિષયક વિગતો હશે. તમે આ માટે mAadhaar એપ પરથી પણ ઓર્ડર કરી શકો છો.
ડિજિટલ આધાર કાર્ડ
હવે તમે તમારા સ્માર્ટફોન દ્વારા ડિજિટલ આધાર કાર્ડ મેળવી શકો છો. તમારે તમારા ફોનમાં mAadhaar એપ ડાઉનલોડ કરવાનું રહેશે. અહીં તમે તમારું ડિજિટલ આધાર કાર્ડ ડાઉનલોડ કરી શકો છો. આ કાર્ડ UIDAI થી સંબંધિત તમામ સેવાઓ માટે પણ માન્ય છે.
