કોરોનાના આ સંકટમાં સામાન્ય માણસની આર્થિક સ્થિતિ પર સીધી અસર પડી છે. એવામાં સગર્ભા મહિલાઓના કલ્યાણ માટે જાન્યુઆરી 2017માં શરૂ કરવામાં આવેલી પ્રધાનમંત્રી માતૃ વંદના યોજના તેમના માટે વરદાન સાબિત થઈ રહી છે. અત્યાર સુધીમાં લાખો મહિલાઓએ આ યોજના હેઠળ નોંધણી કરાવી છે અને તેનો લાભ લઈ રહી છે.
શું છે પ્રધાનમંત્રી માતૃ વંદના યોજના
મહિલાઓના કલ્યાણ માટે જાન્યુઆરી 2017માં શરૂ કરવામાં આવેલી પ્રધાનમંત્રી માતૃ વંદના યોજના હેઠળ કેન્દ્ર સરકાર ગર્ભવતી મહિલાઓના ખાતામાં 5000 હજાર રૂપિયા આપી રહી છે. સગર્ભા સ્ત્રીઓ અને નવજાત બાળકોના વિકાસને ધ્યાનમાં રાખીને કેન્દ્ર સરકારે PMMVY યોજના ઘડી છે. આ યોજના હેઠળ સગર્ભા મહિલાઓ અને હાલમાં માતા બનેલી મહિલાઓને 5000 રૂપિયાની આર્થિક સહાય આપવામાં આવે છે. 5000 ત્રણ અલગ-અલગ હપ્તામાં આપવામાં આવે છે. જણાવી દઈએ કે જે મહિલાઓ 19 વર્ષ પહેલા ગર્ભવતી થઈ ગઈ છે તેમને આ યોજનાનો લાભ નહીં મળે.
આ પણ વાંચો: પોસ્ટ ઓફિસની કઈ યોજનાઓ ટેકસ ફ્રી છે અને કઈ નથી, અહીં જાણો...
તમને પૈસા ક્યારે મળશે તે જાણો છો?
આ યોજના હેઠળ, સગર્ભા સ્ત્રીને જ્યારે તે પ્રથમ વખત ગર્ભવતી થાય ત્યારે તેને પોષણ માટે પાંચ હજાર રૂપિયા આપવામાં આવે છે. 1000 રૂપિયાનો પ્રથમ હપ્તો ગર્ભવતી મહિલાના ગર્ભધારણના 150 દિવસની અંદર નોંધણી કરાવવા પર આપવામાં આવે છે, જ્યારે 2000 રૂપિયાનો બીજો હપ્તો 180 દિવસની અંદર આપવામાં આવે છે અને ઓછામાં ઓછું એક પ્રસૂતિ પહેલાનું ચેક-અપ કરવામાં આવે છે. 2000 રૂપિયાનો ત્રીજો હપ્તો ડિલિવરી પછી અને બાળકની પ્રથમ રસીકરણ ચક્ર પૂર્ણ થયા પછી ઉપલબ્ધ છે.
આ મહિલાઓને આનો લાભ મળે છે?
આ યોજનાનો લાભ તે મહિલાઓને મળે છે જેઓ દૈનિક વેતન ધોરણ પર કામ કરે છે અથવા જેમની આર્થિક સ્થિતિ ખૂબ નબળી છે. આ યોજનાનો મુખ્ય ઉદ્દેશ્ય સગર્ભાવસ્થા દરમિયાન વેતનમાં થતા નુકસાનને ઘટાડવાનો છે. આ આર્થિક મદદથી ગર્ભવતી મહિલાઓને આરામ કરવાનો સમય મળે છે. આ યોજનાનો લાભ તે મહિલાઓને ઉપલબ્ધ નથી જે કેન્દ્ર કે રાજ્ય સરકારના કોઈપણ ઉપક્રમ સાથે સંકળાયેલી છે.
આ પણ વાંચો: પોસ્ટ ઓફિસની આ શાનદાર યોજના: માત્ર 300 રૂપિયા જમા કરાવવા પર 16 લાખનો લાભ, જાણો અહીં
અરજી કેવી રીતે કરવી તે જાણો છો?
માતૃત્વ વંદના યોજના 2021 હેઠળ, કેન્દ્ર સરકારે અરજી પ્રક્રિયાને ઓનલાઈન કરી છે, એટલે કે લાભાર્થીઓ પોતે જ ઓનલાઈન અરજી કરી શકે છે. આ માટે, લાભાર્થીએ સૌ પ્રથમ www.Pmmvy-cas.nic.in પર લોગઈન કરીને અરજી કરવાની રહેશે. આ પ્રક્રિયા ઓનલાઈન છે, તેથી તમે તેને ઘરે બેઠા ઈન્ટરનેટ દ્વારા સરળતાથી કરી શકશો.
યોજનામાં થયો છે આ મોટો ફેરફાર
કેન્દ્ર સરકારે પ્રધાનમંત્રી માતૃ વંદના યોજના (PMMVY)ના નિયમોમાં ફેરફાર કર્યા છે. આ યોજના હેઠળ, પ્રથમ બાળકના જન્મ સમયે, મહિલાઓને 5 હજાર રૂપિયાની સહાય રકમ આપવામાં આવે છે. હવે બીજા બાળકના જન્મ પર પણ માતાઓને સહાયની રકમ મળશે. જો કે આ સાથે સરકારે એક શરત પણ મૂકી છે. શરત એ છે કે બીજું સંતાન દીકરી હોવું જોઈએ.
