જો તમારું ખાતું બેંક ઓફ બરોડામાં મર્જ કરવામાં આવ્યું છે, તો તમારા માટે આ કામના સમાચાર છે. હવે તમારા માટે નવો આઈએફએસસી કોડ (IFSC Code) જાણવું ખૂબ જ મહત્વપૂર્ણ છે. આમ કરવામાં નિષ્ફળતા કરશો તો તમારા પૈસા અટકી શકે છે. કોરોના કાળમાં, મોટાભાગના લોકો ફક્ત ઓનલાઇન વ્યવહાર (Transactions) કરે છે. ઓનલાઇન ટ્રાંઝેક્શન કરવા માટે આઈએફએસસી કોડ આવશ્યક છે. આઈએફએસસી (IFSC) એટલે Indian Financial System Code જેના વિના તમારા પૈસા અટવાઈ શકે છે.
આઈએફએસસી (IFSC) કોડ એટલે કે એ 11 અંકનો કોડ છે. આ કોડ તમામ બેન્કોને આરબીઆઈ (Reserve Bank Of India - RBI) દ્વારા આપવામાં આવે છે. આ 11 આંકડાના કોડનો ઉપયોગ ઇલેક્ટ્રોનિક ચુકવણીમાં થાય છે. આ કોડના પહેલા ચાર આંકડા બેંકના નામની માહિતી મળે છે. આમાં પાંચમો અંક શૂન્ય છે. છેલ્લા 6 અંકો શાખા કોડ સૂચવે છે. BOB નો આઈએફએસસી કોડ BARB થી પ્રારંભ થાય છે.
જુનો આઈએફએસસી કોડ 1 જુલાઈથી કામ નહીં કરે. એટલે કે જે લોકોના ખાતા બેંક ઓફ બરોડામાં મર્જ કરવામાં આવ્યા છે તેવા લોકોના નાણાંની લેવડ-દેવડ અટકી જશે.
બે વર્ષ પહેલા વર્ષ 2019 માં, દેના બેંક (Dena Bank) અને વિજયા બેંક (Vijaya Bank) ને બેંક ઓફ બરોડા (Bank Of Baroda - BOB) માં મર્જ કરવામાં આવી હતા. આ નિર્ણય બાદ દેના બેંક અને વિજયા બેંકના ગ્રાહકો બેંક ઓફ બરોડામાં જોડાયા. હવે આ ગ્રાહકોની બેંક શાખાઓનો નવો આઈએફએસસી કોડ જારી કરવામાં આવ્યો છે.
નવો આઈએફએસસી કોડ આ રીતે મેળવો:- બેંક ઓફ બરોડા દ્વારા આ સંદર્ભે વિસ્તૃત માહિતી આપવામાં આવી છે. બીઓબીના જણાવ્યા મુજબ, દેના બેંક અને વિજયા બેંકની આઈએફએસસી કોડ 30 જૂન પછી બંધ થઈ જશે. આવી સ્થિતિમાં, જો તમારું ખાતું આ બંને બેંકોમાં હતુ, તો વહેલી તકે નવો આઈએફએસસી કોડ લઈ લો. નહિંતર, તમે 1 જુલાઈથી ઓનલાઇન ટ્રાંઝેક્શન કરી શકશો નહીં.
આ પણ વાંચો: તમારા કામનું / ઇન્કમ ટેકસ વિભાગે વધારી આ 8 કામની તારીખો, જાણો માહિતી વિગતવાર
નવો IFSC કોડ કેવી રીતે મેળવવો?
બેંકોના મર્જ થયા પછી, ખાતા ધારકો માટે આઈએફએસસી કોડમાં ફેરફાર કરવામાં આવ્યો છે. આવી સ્થિતિમાં, નવો આઈએફએસસી કોડ શોધવા અને જ્યાંથી તમને પૈસા મળી રહ્યા છે ત્યાં નવો કોડ અપડેટ કરવો જરૂરી છે. જો તમે નવો આઈએફએસસી કોડ અપડેટ કરશો નહીં, તો તમારા ખાતામાં જમા કરાયેલ પૈસા અટવાઈ શકે છે. નવા આઈએફએસસી કોડની સૂચિ બેંકની વેબસાઇટ પર અપડેટ કરવામાં આવી છે.
આવી રીતે પણ નવો IFSC કોડ જાણી શકાય છે.
બેંક ઓફ બરોડાએ આપી માહિતી:- બેન્ક ઓફ બરોડાએ ટ્વિટર દ્વારા માહિતી આપી છે કે, દેના બેંક અને વિજયા બેંકની જૂની શાખાઓના નવા આઈએફએસસી કોડ્સ (IFSC Code) સરળતાથી મેળવી શકાય છે! કૃપા કરીને 30 મી જૂન, 2021 સુધીમાં તમારી શાખામાંથી નવી MICR સાથે ચેકબુક મેળવી લો અથવા નેટ બેન્કિંગ / મોબાઇલ બેંકિંગ દ્વારા અરજી કરો.
આવી વધારે માહિતી મેળવવા માટે અમારી Khissu ની એપ્લીકેશન ડાઉનલોડ કરી લો તથા આ માહિતી તમે અમારા Facebook પેજમાં જોઈ રહ્યાં છો તો અમારું Facebook પેજ ફોલો કરો. આ માહિતી જરૂરીયાત મંદ લોકો સુધી પહોંચે તે માટે તમારા What's App ગ્રુપ તથા Facebook ગ્રુપમાં શેર કરો.
