RailTel એ ઈન્સ્ટોલ કર્યું હાઈ સ્પીડ ફ્રી વાઈ-ફાઈ જેનાથી રેલ મુસાફરોને ખૂબ ફાયદો થશે. ભારતીય રેલ્વેની પેટાકંપની RailTel એ દેશના 6,000 થી વધુ રેલ્વે સ્ટેશનો પર હાઇ-સ્પીડ ફ્રી વાઇ-ફાઇ ઇન્સ્ટોલ કર્યું છે. RailTel એ તેની સત્તાવાર વેબસાઇટ પર આ માહિતી આપી છે. કંપનીએ કહ્યું કે, 'ઉત્તર પ્રદેશમાં રાયબરેલી જિલ્લાના ઉબરની રેલવે સ્ટેશન પર RailTel Wi-Fiની સ્થાપના સાથે, ઉત્તર રેલવેના 100 ટકા સ્ટેશનો (હોલ્ટ સ્ટેશન સિવાય) પર મફત વાઇ-ફાઇ સેવા ઉપલબ્ધ કરાવવામાં આવી છે.'
RailTelના ચેરમેન અને મેનેજિંગ ડાયરેક્ટર પુનિત ચાવલાએ જણાવ્યું હતું કે, ભારત સરકારના ડિજિટલ ઈન્ડિયા મિશન હેઠળ રેલવેની મિની રત્ન RailTel પ્રયાસ કરી રહી છે. કંપની કોરોના વાયરસના મુશ્કેલ સમય છતાં રેલ્વે સ્ટેશન પર ફ્રી ઈન્ટરનેટ સેવા આપવાનો પ્રયાસ કરી રહી હતી.
ઉત્તર-પૂર્વના પ્રવાસીઓને પણ ફાયદો થશે
ભારતીય રેલ્વે નેટવર્કના આ 6100 રેલ્વે સ્ટેશનોમાંથી, 5000 સ્ટેશનો ગ્રામીણ વિસ્તારોમાં છે, જ્યાં હાઇ-સ્પીડ ફ્રી Wi-Fi સેવા પ્રદાન કરવામાં આવી છે. ખાસ કરીને ઉત્તર-પૂર્વ અને કાશ્મીર ખીણના રેલ્વે સ્ટેશનો પર ફ્રી વાઇ-ફાઇ સેવા શરૂ થવાથી મુસાફરોને ખૂબ લાભ થશે. ભારતીય રેલ્વે RailTel દ્વારા દેશના શહેરી અને ગ્રામીણ વિસ્તારોમાં ફ્રી Wi-Fi સેવા પ્રદાન કરે છે.
RailTel WiFi આટલો ચાર્જ લેશે
RailTelની Wi-Fi સેવામાં, વપરાશકર્તાને દરરોજ પ્રથમ 30 મિનિટ માટે મફત ઇન્ટરનેટ ઍક્સેસ મળશે. આ પછી, યુઝર પાસેથી ડેટાનો ઉપયોગ કરવા બદલ ચાર્જ લેવામાં આવશે. આ માટે RailTel દરરોજ 10 રૂપિયા ચાર્જ કરે છે. આમાં યુઝરને 34mbpsની સ્પીડથી 5GB ડેટા મળે છે. તે જ સમયે, એક મહિના માટે ઇન્ટરનેટ સેવા મેળવવા માટે, વપરાશકર્તાને 75 રૂપિયા ખર્ચવા પડશે. આમાં, યુઝરને 34mbpsની સ્પીડ પર કુલ 60GB ડેટા મળશે. યુઝર્સ ઓનલાઈન પેમેન્ટ દ્વારા આ પેકને સબસ્ક્રાઈબ કરી શકશે.
આ રીતે કરો કનેક્ટ
- જ્યાં RailTel ફ્રી Wi-Fi સેવા ઉપલબ્ધ છે, ત્યાં વપરાશકર્તાઓ તેમના સ્માર્ટફોન અથવા લેપટોપને રેલ્વે સ્ટેશન પર Wi-Fi સાથે કનેક્ટ કરી શકશે.
- RailTel અથવા Railwire નેટવર્કને કનેક્ટ કર્યા પછી, વપરાશકર્તાનો મોબાઈલ નંબર પૂછવામાં આવે છે.
- મોબાઈલ નંબર નાખ્યા બાદ યુઝરના ફોન પર એક OTP આવશે.
- OTP દાખલ કર્યા પછી, વપરાશકર્તા તેના ડિવાઇસને ઇન્ટરનેટથી કનેક્ટ કરી શકશે.
- યુઝરને પ્રથમ 30 મિનિટ માટે ફ્રી ઈન્ટરનેટ સેવા મળશે. આ પછી, વપરાશકર્તાએ ઉપરોક્ત ચાર્જ અનુસાર સબસ્ક્રિપ્શન લેવું પડશે.
