Gold And Silver Prices Today: ભારતીય બજાર ઇઝરાયલ-હમાસ યુદ્ધથી અપ્રભાવિત જણાય છે. એક તરફ ભારતીય શેરબજારમાં ગુરુવારે તેજી જોવા મળી હતી. સાથે જ સોનાની વધતી કિંમતો પર પણ અંકુશ આવ્યો છે.
ગુરુવારે સોનાના ભાવમાં કોઈ ફેરફાર થયો ન હતો. 22 કેરેટ સોનાનો ભાવ ₹5,365 પ્રતિ ગ્રામ પર સ્થિર રહ્યો હતો. મોટી માત્રામાં, જેમ કે 8 ગ્રામ અને 10 ગ્રામની કિંમત અનુક્રમે ₹42,920 અને ₹53,650 હતી. તેમજ 22 કેરેટ સોનાના 100 ગ્રામની કિંમત 5,36,500 રૂપિયા છે. દરમિયાન, 24 કેરેટ સોનાની કિંમત 5,853 રૂપિયા પ્રતિ ગ્રામ હતી.
ચાંદીનો ભાવ પણ આજે સ્થિર રહ્યો, દેશભરમાં એક કિલોગ્રામ ચાંદીનો ભાવ ₹70,100 નોંધાયો હતો. સોના અને ચાંદીના ભાવની વધઘટ ઘણા પરિબળોથી પ્રભાવિત થાય છે, જેમાંથી પ્રતિષ્ઠિત જ્વેલર્સનું ઇનપુટ મુખ્ય ઘટક છે.
વૈશ્વિક સોનાની માંગ વિવિધ દેશોમાં ચલણ મૂલ્યો, પ્રવર્તમાન વ્યાજ દરો અને સોનાના વેપારને લગતા સરકારી નિયમો જેવા પરિબળો આ વધઘટમાં ફાળો આપે છે. વધુમાં, વૈશ્વિક અર્થતંત્રની સ્થિતિ અને અન્ય કરન્સીના સંબંધમાં યુએસ ડોલરની મજબૂતાઈ સહિતની વૈશ્વિક ઘટનાઓ ભારતીય બજારમાં સોનાના ભાવને અસર કરે છે.
ગુજરાતમાં આજે 22 કેરેટ સોનાનો ભાવ 53,400 રૂપિયા અને 24 કેરેટ સોનાના ભોવ 58,250 રૂપિયા ચાલી રહ્યો છે.
મજબૂત હાજર માંગ વચ્ચે સટોડિયાઓ દ્વારા નવા સોદાની ખરીદીને કારણે બુધવારે વાયદાના વેપારમાં સોનાનો ભાવ રૂ. 204 વધીને રૂ. 57,833 પ્રતિ 10 ગ્રામ થયો હતો. મલ્ટી કોમોડિટી એક્સચેન્જ પર ડિસેમ્બર મહિનામાં ડિલિવરી માટેના કોન્ટ્રાક્ટની કિંમત 204 રૂપિયા અથવા 0.35 ટકા વધીને 57,833 રૂપિયા પ્રતિ 10 ગ્રામ થઈ ગઈ છે. આમાં 14,566 લોટનો વેપાર થયો હતો.
બુધવારે વાયદાના વેપારમાં ચાંદીના ભાવ રૂ. 583 ઘટીને રૂ. 69,501 પ્રતિ કિલોગ્રામ થયા હતા કારણ કે નબળા હાજર માંગ વચ્ચે વેપારીઓએ તેમના સોદાનું કદ ઘટાડ્યું હતું. મલ્ટી કોમોડિટી એક્સચેન્જ પર, ડિસેમ્બરમાં ડિલિવરી માટે ચાંદીના કોન્ટ્રેક્ટની કિંમત રૂ. 583 અથવા 0.85 ટકા ઘટીને રૂ. 69,501 પ્રતિ કિલોગ્રામ પર આવી હતી. આમાં 25,897 લોટનો વેપાર થયો હતો. વૈશ્વિક સ્તરે, ન્યૂયોર્કમાં ચાંદીની કિંમત 1.24 ટકા ઘટીને 22.23 ડોલર પ્રતિ ઔંસ થઈ છે.
