આગાહીએ ખેડૂતોના જીવ પડીકે બાંધ્યા, જાણો આજે કપાસના ભાવમાં શું હલચલ જોવા મળી ?

ખેડૂતે જુલાઈ મહિનામાં કપાસનું વાવેતર કર્યું હતું. કપાસનો પાક 4થી 5 મહિનામાં તૈયાર થઈ જાય છે. નવેમ્બર મહિનામાં ખેડૂતનો કપાસનો પાક તૈયાર થઈ ગયો હતો, તેઓએ નવેમ્બરમાં એકવાર પાક ઉતાર્યો હતો. ત્યારબાદ ખેડૂતનો કપાસનો પાક બીજી વખત તૈયાર થઈ ગયો હતો, અને તેની લણણી કરતાં પહેલાં જ કમોસમી વરસાદ વરસતા ખેડૂતને નુકસાની વેઠવાનો વારો આવ્યો છે.

રાજયના હવામાન ખાતાએ આજથી પાંચ દિવસ સુધીમાં ગુજરાતના કેટલાક વિસ્તારોમાં ફરીથી માવઠુ આવશે તેવી આગાહી કરતા ખેડુતોના જીવ પડીકે બંધાયા છે, સતત ટેન્શનમાં ખેડુત જીવી રહ્યો છે, આર્થિક નુકશાનનો ભય તોળાઇ રહ્યો છે ત્યારે જો માવઠુ થશે તો ખેડુતો આર્થિક રીતે પાયમાલ થઇ જશે, સરકાર સહાયની જાહેરાત કરે છે પરંતુ એ સહાય ખેડુતો માટે પુરતી હોતી નથી.

શિયાળુ પાકમાં જીરુ, ઘઉં, ચણા, ધાણાનું મવલખ વાવેતર થયું છે, જો માવઠુ થાય તો ખેડુતોને બિયારણના રુપિયા પણ નહીં નિકળે, બીજી તરફ કપાસ પણ તૈયાર થઇ રહ્યો છે ત્યારે જો વરસાદ થાય તો કપાસ પણ પલળી જશે અને ખેડુતોએ જે આશા રાખી છે તે ઠગારી નિવડશે અને માવઠાને કારણે ખેડુતોનું આર્થિક બજેટ પણ ખોરવાઇ જશે, સરકાર ચિંતીત હોવાનો દાવો કરે છે, પરંતુ ખેડુતોને તો આખરે નુકશાની જ સહન કરવી પડે છે. ગુજરાતના કેટલાક વિસ્તારોમાં ફરીથી માવઠાની આગાહી કરવામાં આવી છે ત્યારે તંત્રને પણ એલર્ટ કરાયું છે, માર્કેટીંગ યાર્ડના સંચાલકોને પણ માવઠુ થાય તો પારોઠના પગલા લેવા સુચના આપી દેવામાં આવી છે.

જયારે-જયારે માવઠુ કે અન્ય આફતો આવે ત્યારે સરકાર દ્વારા સર્વે કરીશું તેવી જાહેરાત કરી દેવામાં આવે છે પરંતુ વાસ્તવીકતા કાંઇક અલગ હોય છે, કેટલાક ગામડાઓમાં સર્વે પણ થતો નથી જેને કારણે પુરતી રકમ પણ મળતી નથી. સરકારે આ બાબતે ખ્યાલ રાખવો જોઇએ અને જિલ્લા કલેકટર તથા ડીડીઓએ કોઇ સર્વે વગર રહી ન જાય તેવી સુચનાવી આપવી જોઇએ.

કપાસના બજાર ભાવની વાત કરીએ તો, ગઈ કાલે તા. 07/12/2023, ગુરૂવારના રોજ રાજકોટ માર્કેટ યાર્ડમાં કપાસના ભાવ રૂ. 1200થી રૂ. 1500 સુધીના બોલાયા હતા. જ્યારે અમરેલી માર્કેટ યાર્ડમાં કપાસના ભાવ રૂ. 1000થી રૂ. 1455 સુધીના બોલાયા હતા. તેમજ સાવરકુંડલાના માર્કેટ યાર્ડમાં કપાસના ભાવ રૂ. 1325થી રૂ. 1455 સુધીના બોલાયા હતા.

ગોજારીયા માર્કેટ યાર્ડમાં કપાસના ભાવ રૂ. 1300થી રૂ. 1435 સુધીના બોલાયા હતા. જ્યારે હિંમતનગર માર્કેટ યાર્ડમાં કપાસના ભાવ રૂ. 1361થી રૂ. 1455 સુધીના બોલાયા હતા. તેમજ માણસાના માર્કેટ યાર્ડમાં કપાસના ભાવ રૂ. 1000થી રૂ. 1437 સુધીના બોલાયા હતા.

કડી માર્કેટ યાર્ડમાં કપાસના ભાવ રૂ. 1251થી રૂ. 1424 સુધીના બોલાયા હતા. જ્યારે પાટણ માર્કેટ યાર્ડમાં કપાસના ભાવ રૂ. 1320થી રૂ. 1460 સુધીના બોલાયા હતા. તેમજ થરાના માર્કેટ યાર્ડમાં કપાસના ભાવ રૂ. 1280થી રૂ. 1416 સુધીના બોલાયા હતા.

તલોદ માર્કેટ યાર્ડમાં કપાસના ભાવ રૂ. 1331થી રૂ. 1410 સુધીના બોલાયા હતા. જ્યારે સિધ્ધપુર માર્કેટ યાર્ડમાં કપાસના ભાવ રૂ. 1260થી રૂ. 1449 સુધીના બોલાયા હતા. તેમજ ડોળાસાના માર્કેટ યાર્ડમાં કપાસના ભાવ રૂ. 1150થી રૂ. 1460 સુધીના બોલાયા હતા.

ટિંટોઇ માર્કેટ યાર્ડમાં કપાસના ભાવ રૂ. 1251થી રૂ. 1400 સુધીના બોલાયા હતા. જ્યારે દીયોદર માર્કેટ યાર્ડમાં કપાસના ભાવ રૂ. 1350થી રૂ. 1390 સુધીના બોલાયા હતા. તેમજ બેચરાજીના માર્કેટ યાર્ડમાં કપાસના ભાવ રૂ. 1250થી રૂ. 1385 સુધીના બોલાયા હતા.

ગઢડા માર્કેટ યાર્ડમાં કપાસના ભાવ રૂ. 1250થી રૂ. 1450 સુધીના બોલાયા હતા. જ્યારે ઢસા માર્કેટ યાર્ડમાં કપાસના ભાવ રૂ. 1225થી રૂ. 1421 સુધીના બોલાયા હતા. તેમજ કપડવંજના માર્કેટ યાર્ડમાં કપાસના ભાવ રૂ. 1200થી રૂ. 1280 સુધીના બોલાયા હતા.

ધંધુકા માર્કેટ યાર્ડમાં કપાસના ભાવ રૂ. 1290થી રૂ. 1460 સુધીના બોલાયા હતા. જ્યારે વીરમગામ માર્કેટ યાર્ડમાં કપાસના ભાવ રૂ. 900થી રૂ. 1439 સુધીના બોલાયા હતા. તેમજ જોટાણાના માર્કેટ યાર્ડમાં કપાસના ભાવ રૂ. 1250થી રૂ. 1388 સુધીના બોલાયા હતા.