જો તમારું સેલરી પેકેજ રૂ. 10 લાખ છે અને તમે તમારી કમાણીનો મોટો હિસ્સો ટેક્સ તરીકે ચૂકવો છો, તો સાવચેત રહો. કદાચ તમે વિચારતા હશો કે ટેક્સ બચાવવાનો કોઈ રસ્તો નથી, આવી સ્થિતિમાં ટેક્સ ભરવો જ યોગ્ય છે તો તમે ખોટા છો. આટલું જ નહીં, જો તમારું સેલરી પેકેજ 10.5 લાખ રૂપિયા હશે તો તમારે પણ 1 રૂપિયો ટેક્સ તરીકે ચૂકવવો પડશે નહીં. તો ચાલો જાણીએ તેના વિશે સંપૂર્ણ ગણિત.
10.5 લાખના પગાર પર તમે 30 ટકા ટેક્સના સ્લેબમાં આવો છો. કારણ કે 10 લાખથી વધુની વાર્ષિક આવક પર 30 ટકા આવકવેરો લાગે છે.
જાણો સંપૂર્ણ ગણિત
1. જો તમારી સેલેરી 10.5 લાખ રૂપિયા છે, તો પહેલા સ્ટાન્ડર્ડ ડિડક્શન તરીકે સરકાર દ્વારા આપવામાં આવેલ 50 હજાર કાપો. આ રીતે તમારી કરપાત્ર આવક હવે 10 લાખ રૂપિયા છે.
2. હવે તમે 80C હેઠળ રૂ. 1.5 લાખનો દાવો કરી શકો છો. આમાં, તમે બાળકોની ટ્યુશન ફી, PPF, LIC, EPF, મ્યુચ્યુઅલ ફંડ (ELSS), હોમ લોનના પ્રિન્સિપાલ વગેરેનો દાવો કરી શકો છો. આ રીતે અહીં તમારી કરપાત્ર આવક ઘટીને 8.5 લાખ રૂપિયા થઈ ગઈ છે.
3. તમારે 10.5 લાખના પગાર પર ટેક્સ શૂન્ય (0) કરવા માટે 80CCD(1B) હેઠળ નેશનલ પેન્શન સિસ્ટમ (NPS) હેઠળ 50 હજારનું રોકાણ કરવું પડશે. આ રીતે તમારો કરપાત્ર પગાર ઘટીને રૂ.8 લાખ થઈ ગયો છે.
4. હવે આવકવેરાની કલમ 24B હેઠળ, તમે રૂ. 2 લાખની હોમ લોનના વ્યાજ પર ટેક્સ છૂટનો દાવો કરી શકો છો. આ રીતે હવે તમારી કરપાત્ર આવક ઘટીને 6 લાખ રૂપિયા થઈ ગઈ છે.
5. આવકવેરાની કલમ 80D હેઠળ, તમે તમારા પરિવાર (પત્ની અને બાળકો) માટે 25 હજાર રૂપિયાના મેડિકલ હેલ્થ ઈન્સ્યોરન્સનો પ્રીમિયમ ક્લેમ કરી શકો છો. આ સિવાય વરિષ્ઠ નાગરિકો માતા-પિતા માટે ચૂકવવામાં આવેલા સ્વાસ્થ્ય વીમા પ્રીમિયમ માટે 50 હજારનો દાવો કરી શકે છે. કુલ 75 હજારના સ્વાસ્થ્ય વીમા પ્રીમિયમનો દાવો કર્યા પછી, તમારી કરપાત્ર આવક ઘટીને 5.25 લાખ થઈ ગઈ છે.
6. હવે તમારે તમારી કરપાત્ર આવકને 5 લાખ સુધી લાવવા માટે કોઈપણ સંસ્થા અથવા ટ્રસ્ટને 25 હજાર રૂપિયા દાન આપવા પડશે. તમે આવકવેરાની કલમ 80G હેઠળ તેનો દાવો કરી શકો છો. 25 હજારનું દાન કરવાથી તમારી કરપાત્ર આવક ઘટીને 5 લાખ રૂપિયા થઈ ગઈ છે.
તમારે ઝીરો ટેક્સ ચૂકવવો પડશે
હવે તમારી કરપાત્ર આવક 5 લાખ રૂપિયા છે. 2.5 થી 5 લાખ રૂપિયાની આવક પર 5 ટકાના દરે તમારો ટેક્સ 12,500 રૂપિયા થઈ જાય છે. પરંતુ સરકાર તરફથી આના પર છૂટ છે. આ કિસ્સામાં તમારી ટેક્સ જવાબદારી શૂન્ય બની જાય છે.
