જો તમે પોસ્ટ ઓફિસની સ્મોલ સેવિંગ્સ સ્કીમમાં રોકાણ કરીને દર મહિને આવક મેળવવા માંગો છો, તો પોસ્ટ ઓફિસની માસિક સ્કીમ એક શ્રેષ્ઠ વિકલ્પ છે. માસિક આવક યોજના હેઠળ, તમે એક અથવા સંયુક્ત ખાતું ખોલી શકો છો. આ સ્કીમમાં માત્ર એક જ વાર રોકાણ કરવાથી તમે દર મહિને નિશ્ચિત વળતર મેળવી શકો છો.
માસિક આવક યોજના હેઠળ, ખાતાધારક એક ખાતામાં 100 ના ગુણાંકમાં ઓછામાં ઓછી 1000 રૂપિયા અને 9 લાખ રૂપિયા સુધીનું રોકાણ કરી શકે છે. સંયુક્ત ખાતામાં રોકાણની મર્યાદા 15 લાખ રૂપિયા નક્કી કરવામાં આવી છે.
આ યોજનામાં ખાતાધારકને જમા રકમ પર 7.4 ટકાના દરે વ્યાજનો લાભ મળી રહ્યો છે. તમે એમઆઈએસ સ્કીમમાં કુલ 5 વર્ષ માટે નાણાંનું રોકાણ કરી શકો છો, જે પાકતી મુદત પછી બીજા 5 વર્ષ માટે વધારી શકાય છે. આ યોજના હેઠળ મળતું વ્યાજ પોસ્ટ ઓફિસ સેવિંગ્સ એકાઉન્ટમાં ચૂકવવામાં આવે છે.
MIS કેલ્ક્યુલેટર મુજબ, જો કોઈ વ્યક્તિ આ સ્કીમમાં 15 લાખ રૂપિયાનું રોકાણ કરે છે, તો તેને દર મહિને 9,250 રૂપિયા મળશે.
