આજકાલ મોંઘવારીએ દેશભરમાં લોકોની મુશ્કેલીઓ વધારી દીધી છે. પેટ્રોલ, ડીઝલ અને એલપીજીના ભાવ આસમાને છે. હાલમાં તો ઘરેલું PNG એટલે કે પાઈપ્ડ LPGની કિંમતોમાં પણ વધારો થયો છે. જો તમે પણ રસોડામાં PNG નો ઉપયોગ કરો છો, તો આ સમાચાર ફક્ત તમારા માટે છે. IGL કંપનીની મોબાઈલ એપ દ્વારા 'સેલ્ફ બિલિંગ' વિકલ્પનો ઉપયોગ કરીને સ્થાનિક PNG ગ્રાહકોને બિલમાં ડિસ્કાઉન્ટ ઓફર કરવામાં આવી રહ્યું છે. જો તમે પણ PNG ના ગ્રાહક છો તો આ ડિસ્કાઉન્ટનો લાભ અચૂક લો.
કેટલું મળશે ડિસ્કાઉન્ટ?
ઈન્દ્રપ્રસ્થ ગેસ લિમિટેડ (IGL) ની વેબસાઈટ અનુસાર, IGL કનેક્ટ મોબાઈલ એપમાંથી સેલ્ફ-બિલિંગ વિકલ્પનો ઉપયોગ કરીને ચૂકવણી કરનારાઓને PNG બિલ પર રૂ. 15 નું ડિસ્કાઉન્ટ ઓફર કરી રહી છે. આનો અર્થ એ છે કે તમે સેલ્ફ-બિલિંગ કરીને પ્રતિ બિલ 15 રૂપિયાનું ડિસ્કાઉન્ટ મેળવી શકો છો. જેના માટે તમારે તમારા મોબાઈલમાં IGL Connect મોબાઈલ એપ ડાઉનલોડ કરવાની રહેશે.
ડાઉનલોડ કરો IGL કનેક્ટ એપ
IGLની વેબસાઈટ અનુસાર, સામાન્ય રીતે મીટર રીડર દર 2 મહિનામાં એકવાર ગ્રાહકના ઘરેથી રીડિંગ લે છે અને તેના આધારે બિલ જનરેટ થાય છે. સેલ્ફ-બિલિંગ દ્વારા, ગ્રાહક IGL કનેક્ટ એપ્લિકેશન દ્વારા મીટર રીડિંગને પંચ કરીને બિલિંગ શરૂ કરી શકે છે. આ માટે ગ્રાહકે Google Play Store અથવા Apple Store પરથી IGL Connect ડાઉનલોડ કરવાનું રહેશે.
સેલ્ફ બિલિંગ કેવી રીતે કરવું?
- સૌથી પહેલા IGL કનેક્ટ એપ ઓપન કરો
- તેમાં BP નંબર અને રજિસ્ટર્ડ મોબાઇલ નંબરનો ઉપયોગ કરીને IGL કનેક્ટ એપમાં લોગ ઇન કરો
- પછી ખાતરી કરો કે તમે ઝડપી પ્રક્રિયા અને બિલ ડિલિવરી માટે તમારા રજિસ્ટર્ડ ઈમેલ આઈડી પર ઈ-બિલ સબસ્ક્રાઈબર છો.
- એપમાં 'સેલ્ફ બિલિંગ' પર ક્લિક કરો અને મીટર રીડિંગ(ડાબેથી જમણે) દાખલ કરો.
- હવે મીટરનું રીઅલ-ટાઇમ સ્પષ્ટ ચિત્ર અપલોડ કરો અને સબમિટ કરો.
- તમારું બિલ 24 કલાકમાં જનરેટ થઈ જશે અને તેની કોપી મેઈલ પર આવશે.
- જો જરૂરી હોય તો તમે હાર્ડ કોપી પણ લઈ શકો છો.
- અહીં ધ્યાનમાં રાખો કે બે 'સેલ્ફ બિલિંગ' વચ્ચે 21 દિવસનો તફાવત જરૂરી છે.
- આ પછી તમને આગામી બિલ સાયકલમાં ડિસ્કાઉન્ટ મળશે.
