shilpa shetty business: શિલ્પા શેટ્ટીનું બિઝનેસ માઇન્ડ જોઈને તમે ચોંકી જશો, તે 2 કરોડ રૂપિયાનું રોકાણ કરીને 15 કરોડ રૂપિયા કમાશે. બોલિવૂડની સૌથી ફિટ અભિનેત્રીઓમાંની એક શિલ્પા શેટ્ટી કુન્દ્રા હવે એક સફળ બિઝનેસવુમન તરીકે પોતાને સ્થાપિત કરવામાં વ્યસ્ત છે.
આ માટે તેણે પોતાની બિઝનેસ સેન્સ ખૂબ સારી રીતે વિકસાવી છે. હવે તેણે પોતાના બિઝનેસ માઇન્ડને એવી જગ્યાએ મૂકી દીધું છે કે તમે તેના વિશે જાણીને આશ્ચર્યચકિત થઈ જશો. શિલ્પા શેટ્ટી કુન્દ્રા 2 કરોડ રૂપિયાના રોકાણથી 15 કરોડ રૂપિયાથી વધુની કમાણી કરવા જઈ રહી છે. આ કોઈ મજાક નથી. Mamaearthનો IPO આવતાની સાથે જ તેના ખિસ્સામાં 15 કરોડ રૂપિયાથી વધુ રકમ આવી જશે.
Mamaearthની મૂળ કંપનીનું નામ હોનાસા કન્ઝ્યુમર છે. Mamaearthના IPOની પ્રાઇસ બેન્ડ રૂ. 308 થી રૂ. 324 પ્રતિ ઇક્વિટી શેર જાહેર કરવામાં આવી છે. આ પબ્લિક ઈસ્યુમાંથી રોકાણકારો પૈસા કમાશે કે નહીં, તે શેરના લિસ્ટિંગ પછી જ જાણી શકાશે. IPO 31 ઓક્ટોબર 2023ના રોજ પ્રાઈમરી માર્કેટમાં આવશે.
ખાસ વાત એ છે કે બોલિવૂડની સૌથી ફિટ અભિનેત્રી શિલ્પા શેટ્ટી કુન્દ્રા અને IPOના અન્ય પ્રમોટરો 365 કરોડ રૂપિયાના આ IPOથી અંદાજે 15.65 કરોડ રૂપિયાની કમાણી કરશે. તેથી Mamaearthનો IPO ગમે તે પ્રકારના લિસ્ટિંગમાં આવે, બી-ટાઉન અભિનેત્રી શિલ્પા શેટ્ટીના બેંક ખાતામાં 15.65 કરોડ રૂપિયા આવશે.
IPO થી શિલ્પા શેટ્ટી કેવી રીતે કમાણી કરશે?
Mamaearth IPOના ડ્રાફ્ટ રેડ હેરિંગ પ્રોસ્પેક્ટસ અથવા DRHP અનુસાર શિલ્પા શેટ્ટી કુન્દ્રાનું નામ એવા પ્રમોટરોમાં સામેલ છે કે જેમણે Mamaearthની પેરેન્ટ કંપની Honasa Consumer Limitedમાં તેમનો હિસ્સો વેચવાની ઓફર કરી છે.
DRHPમાં ઉપલબ્ધ માહિતી અનુસાર, અભિનેત્રી શિલ્પા શેટ્ટીએ આ IPOમાં કંપનીના 5,54,700 શેર વેચવાની ઓફર કરી છે, જે તેણે 41.86 રૂપિયા પ્રતિ ઈક્વિટી શેરના ભાવે ખરીદ્યા છે. તેથી વેચાણ માટે ઓફર કરાયેલા આ શેર્સમાં તેમનું ચોખ્ખું રોકાણ રૂ. 2,32,19,742 અથવા અંદાજે રૂ. 2.32 કરોડ છે.
Mamaearth IPOની પ્રાઇસ બેન્ડ રૂ. 308 થી રૂ. 324 પ્રતિ ઇક્વિટી શેર નક્કી કરવામાં આવી છે અને મોટાભાગે એવું જાણવા મળ્યું છે કે અરજદારોને અપર પ્રાઇસ બેન્ડ પર શેર ફાળવવામાં આવે છે. મતલબ કે શિલ્પા શેટ્ટીના શેર 324 રૂપિયા પ્રતિ શેરના સ્તરે વેચવામાં આવશે. તેથી શિલ્સ શેટ્ટીના 5,54,700 શેર વેચ્યા પછી જનરેટ થતી રકમ 17,97,22,800 રૂપિયા થશે. તેથી શિલ્પા શેટ્ટીને આ IPOથી અંદાજે રૂ. 15.65 કરોડ (રૂ. 17,97,22,800 – રૂ. 2,32,19,742)નો ફાયદો થશે.
Mamaearth IPO GMP, અન્ય વિગતો
બજારના નિષ્ણાતોના મતે Mamaearthના શેર આજે ગ્રે માર્કેટમાં રૂ. 30ના પ્રીમિયમ પર ઉપલબ્ધ છે. આનો અર્થ એ છે કે Mamaearth IPO GMP આજે રૂ. 30 છે. IPO સબસ્ક્રિપ્શન માટે 31 ઓક્ટોબર 2023ના રોજ ખુલશે. 2 નવેમ્બર 2023 સુધી બિડિંગ માટે ખુલ્લું રહેશે. હોનાસા કન્ઝ્યુમર IPO માટે એન્કર રોકાણકારોને ફાળવણી સોમવાર 30 ઓક્ટોબર 2023 ના રોજ થવાની છે.
