હાલમાં ડ્રેગનફ્રુટ તરીકે ઓળખાતા ફળનું નામ બદલવામાં આવ્યું છે અને સોશિયલ મીડિયામાં તેની ખૂબ ચર્ચા થઈ રહી છે. આ ફળનું નામ કચ્છના લોકો દ્વારા પાડવામાં આવ્યું હતું જેને હાલ મુખ્યમંત્રી વિજયભાઈ રૂપાણીએ માન્યતા આપી છે.
ગઈ કાલે મુખ્યમંત્રી વિજયભાઈ રૂપાણીએ ડ્રેગનફ્રુટ નું નામ બદલીને કમલમ ફ્રુટ કરી નાખ્યું છે. આ નવું નામ કચ્છના લોકો એ આપ્યું હતું. કચ્છના લોકોએ આ ફળનો આકાર કમળ જેવો લાગતો હોવાથી કમલમ નામ આપ્યું હતું. જેની ગઈકાલે મુખ્યમંત્રી વિજયભાઈ રૂપાણી દ્વારા માન્યતા અપાઈ છે.
એટલું જ નહી પરંતુ આ ફ્રૂટનું નામ ઓફિશ્યલ રીતે કમલમ થાય તે માટે મુખ્યમંત્રી વિજયભાઈ રૂપાણીએ દરખાસ્ત પણ કરી છે જેથી ભવિષ્યમાં ડ્રેગનફ્રુટ ને ઓફિશિયલ નામ કમલમ થઈ જશે. સરકારનું માનવું છે કે આ ફળ ને ડ્રેગનફ્રુટ નામ શોભતું નથી જોકે તેનો આકાર કમળ જેવો હોવાથી તેને કમલમ નામ યોગ્ય રહેશે.
