Senior Citizens Savings Scheme Account: નિવૃત્તિ પછી કોઈપણ વ્યક્તિ તેમની બચત વિશે ખૂબ સભાન બની જાય છે. તે પોતાના જીવનની મહેનતના પૈસાને એવા કોઈ રોકાણ વિકલ્પમાં રોકાણ કરવા નથી માંગતો જ્યાં નુકસાનનો ડર હોય. આનું કારણ એ છે કે સામાન્ય રીતે 60 વર્ષની આસપાસના રોકાણકાર રૂઢિચુસ્ત હોય છે અને બજારનું જોખમ લેવા માંગતા નથી.
આ કારણોસર, પોસ્ટ ઓફિસ સ્મોલ સેવિંગ્સ સ્કીમમાં સામેલ વરિષ્ઠ નાગરિક બચત યોજના (SCSS) વરિષ્ઠ નાગરિકો માટે લોકપ્રિય વિકલ્પ છે. પોસ્ટ ઓફિસ સ્કીમ હોવાથી તેમાં સુરક્ષાની 100% ગેરંટી છે. હવે ડિપોઝીટની મહત્તમ મર્યાદા અને તેના પર મળતા વ્યાજમાં વધારો થતાં આ સ્કીમ પહેલા કરતા વધુ આકર્ષક બની છે.
વ્યાજ દર, થાપણ મર્યાદા અને પાત્રતા
હવે સિનિયર સિટીઝન સેવિંગ્સ સ્કીમ (SCSS)માં જમા કરવાની મહત્તમ મર્યાદા 30 લાખ રૂપિયા છે. પહેલા આ મર્યાદા 15 લાખ રૂપિયા હતી. આ વર્ષે બજેટમાં આ મર્યાદા વધારવાની જાહેરાત કરવામાં આવી હતી. જ્યારે 1 એપ્રિલ, 2023થી આ સરકારી યોજનાનો વ્યાજ દર વધારીને વાર્ષિક 8.02 ટકા કરવામાં આવ્યો છે.
આ વ્યાજ દર ડિસેમ્બર ક્વાર્ટર માટે યથાવત છે. આ સરકારી યોજનામાં ઓછામાં ઓછા 1000 રૂપિયાનું રોકાણ કરી શકાય છે. ખાતાની મહત્તમ મર્યાદા 30 લાખ રૂપિયા છે. SCSS માં રોકાણ કરવાથી આવકવેરા કાયદાની કલમ 80C હેઠળ રૂ. 1.50 લાખ સુધીના રોકાણ પર કર મુક્તિ મળી શકે છે.
વરિષ્ઠ નાગરિક બચત યોજનામાં એવી સુવિધા છે કે જો તમે પતિ-પત્ની છો તો તમે સંયુક્ત ખાતું પણ ખોલી શકો છો. પતિ અને પત્ની બે અલગ-અલગ ખાતા પણ ખોલાવી શકે છે. આવી સ્થિતિમાં બે અલગ-અલગ ખાતામાં વધુમાં વધુ 60 લાખ રૂપિયા (એક ખાતામાં 30 લાખ રૂપિયા) જમા કરાવી શકાય છે.
5 વર્ષની પાકતી મુદત પછી તમે આ એકાઉન્ટને વધુ 3 વર્ષ માટે વધારી શકો છો. જો તમારી ઉંમર 60 વર્ષથી વધુ હોય અથવા 55-60 વર્ષની વય જૂથના નિવૃત્ત કર્મચારીઓ કે જેમણે સ્વૈચ્છિક નિવૃત્તિ યોજના (VRS) પસંદ કરી હોય અથવા નિવૃત્ત સંરક્ષણ કર્મચારીઓ કે જેમની ઉંમર ઓછામાં ઓછી 60 વર્ષ હોય, તો તમે આ ખાતું ખોલી શકો છો.
2 અલગ-અલગ એકાઉન્ટ્સ પર ગણતરી
મહત્તમ થાપણ: રૂ. 60 લાખ
વ્યાજ દર: વાર્ષિક 8.02 ટકા
પરિપક્વતા અવધિ: 5 વર્ષ
માસિક વ્યાજઃ રૂ. 40,100
ત્રિમાસિક વ્યાજ: રૂ. 1,20,300
વાર્ષિક વ્યાજઃ રૂ 4,81,200
5 વર્ષમાં કુલ વ્યાજ: 24,06,000
કુલ વળતર: રૂ 84,06,000 લાખ (60,00,000 + 24,06,000)
સિંગલ એકાઉન્ટ પર ગણતરી
મહત્તમ થાપણ: રૂ. 30 લાખ
વ્યાજ દર: વાર્ષિક 8.02 ટકા
પરિપક્વતા અવધિ: 5 વર્ષ
માસિક વ્યાજઃ રૂ. 20,050
ત્રિમાસિક વ્યાજઃ રૂ. 60,150
વાર્ષિક વ્યાજઃ રૂ. 2,40,600
5 વર્ષમાં કુલ વ્યાજઃ રૂ. 12,03,000
કુલ વળતર: રૂ 42,03,000 લાખ (30,00,000 + 12,03,000)
