જો તમે વરિષ્ઠ નાગરિક છો અને સારા વળતર સાથે વધુ સારી બચત યોજના ઇચ્છો છો, તો પોસ્ટ ઓફિસ સિનિયર સિટીઝન સ્કીમ તમારા માટે વધુ સારો વિકલ્પ બની શકે છે. પોસ્ટ ઓફિસ સ્કીમ હોવાથી તમારા પૈસા આમાં સુરક્ષિત રહે છે. આ યોજનાનું નામ પોસ્ટ ઓફિસ સિનિયર સિટીઝન સેવિંગ્સ સ્કીમ છે. આ સ્કીમમાં તમને બેંક કરતા પણ વધારે વળતર મળે છે.
રોકાણ
આ પોસ્ટ ઓફિસ સ્કીમમાં રોકાણ કરવા માટે તમારી ઉંમર 60 વર્ષથી વધુ હોવી જોઈએ. 55 વર્ષથી વધુ અને 60 વર્ષથી ઓછી વયના નિવૃત્ત નાગરિક કર્મચારીઓ નિવૃત્તિ લાભો મળ્યાના 1 મહિનાની અંદર રોકાણ કરી શકે છે. 50 વર્ષથી વધુ અને 60 વર્ષથી ઓછી વયના નિવૃત્ત સંરક્ષણ કર્મચારીઓ પણ નિવૃત્તિ લાભો મળ્યાના 1 મહિનાની અંદર રોકાણ કરી શકે છે.
માત્ર 1000 રૂપિયામાં ખુલશે ખાતું
પોસ્ટ ઓફિસ સિનિયર સિટીઝન સેવિંગ સ્કીમ હેઠળ માત્ર 1000 રૂપિયામાં ખાતું ખોલાવી શકાય છે. તમે આ સ્કીમમાં વધુમાં વધુ 15 લાખ રૂપિયા સુધીનું રોકાણ કરી શકો છો. આ યોજનામાં રોકાણ આવકવેરા અધિનિયમ, 1961ની કલમ 80C હેઠળ કર મુક્તિનો લાભ લઈ શકાય છે.
7.4 ટકા વ્યાજ દર
પોસ્ટ ઓફિસ આ સ્કીમ પર ગ્રાહકોને 7.4 ટકા વ્યાજ દર ઓફર કરે છે. તમે આ સ્કીમમાં 5 વર્ષની મુદત માટે રોકાણ કરી શકો છો. જો તમે આ સ્કીમમાં 10 લાખ રૂપિયાનું રોકાણ કરો છો, તો તમને 5 વર્ષ પછી 7.4 ટકાના દરે 14,28,964 રૂપિયાનું વળતર મળે છે.
