દેશની ત્રણ મોટી ટેલીકોમ કંપનીઓએ ટેરીફ પ્લાનના રેતમાં વધારો કર્યો છે. જિઓ, વોડાફોન અને એરટેલ ત્રણેયે રિચાર્જના દરોમાં ૨૭ % જેટલો વધારો થયો છે. આવી રીતે ટેરીફ પ્લાનના ભાવ વધવાથી ૨૦૨૪ - ૨૫ના વર્ષમાં મોંઘવારી ૦.૨૦ % વધી શકે છે.
ટેલીકોમ કંપનીના રિચાર્જના ભાવ વધવાની સૌથી મોટી અસર તો આ જુલાઈ મહિનામાં જ દેખાશે એવું જાણકારોનું માનવું છે. ચાલી રહેલા વર્ષમાં મળતા રીપોર્ટ અનુસાર મોંઘવારીના સરેરાશ દરમાં વધારો થઈ ગયો છે. આ દર પહેલા ૩.૬ % હતો, જે હવે ૩.8 % થયો છે.
ટેલીકોમ કંપનીઓએ અઢી વર્ષ બાદ ભાવ વધારવાનો નિર્ણય કર્યો છે અને ૨૦ % જેટલો ભાવવધારો થવાનો છે. સૌથી પહેલા આ ભાવવધારાનું કામ રિલાયન્સ જિઓએ કર્યું અને પછી બાકીની બંને ટેલીકોમ કંપની પણ તેના પગલે જ ચાલી.
ત્રણેય કંપનીએ ભાવવધારો કર્યો છે પરંતુ BSNLના રિચાર્જના ભાવોમાં કોઈ વધારો કરવામાં આવ્યો નથી પણ નોંધપાત્ર છે કે આ ત્રણેય કંપની જેટલા ગ્રાહકો પણ BSNL પાસે નથી.
