Bank Fixed Deposit : રિઝર્વ બેંક ઓફ ઈન્ડિયા (RBI) એ વર્ષ 2022માં રેપો રેટમાં 4 વખત વધારો કર્યો છે. રેપો રેટમાં વધારાને કારણે, ફિક્સ્ડ ડિપોઝિટ પરના વ્યાજ દરોમાં પણ વધારો થયો છે. સરકારી, ખાનગી અને નાની ફાઇનાન્સ બેંકો હવે FD પર વધુ વ્યાજ દર ઓફર કરી રહી છે. સ્ટેટ બેંક ઓફ ઈન્ડિયા (SBI), HDFC બેંક, ICICI બેંક અને એક્સિસ બેંક પણ હવે FD પર વધુ વ્યાજ ઓફર કરી રહી છે.
FD એ રોકાણની સલામત રીત છે અને તે ગેરંટીકૃત વળતર આપે છે. આ જ કારણ છે કે દેશમાં ઘણા લોકો FDમાં પૈસા રોકે છે. હવે બેંકો દ્વારા વ્યાજદરમાં વધારો કર્યા બાદ FDમાં રોકાણ કરનારા લોકોની સંખ્યામાં વધારો થવાની સંભાવના છે. FD માટે ગ્રાહકો સામાન્ય રીતે મોટી બેંકોને જ પસંદ કરે છે. ચાલો જાણીએ કે ભારતીય સ્ટેટ બેંક, HDFC બેંક, ICICI બેંક અને Axis બેંક FD પર કેટલું વ્યાજ આપી રહી છે.
હરખ પુરો: સતત ઘટાડા વચ્ચે સોનાના ભાવમાં તોતિંગ વધારો, એક તોલાએ સીધા આટલા રૂપિયાનો વધારો
એક્સિસ બેંક FD દરો
લાઈવ મિન્ટના અહેવાલ મુજબ એક્સિસ બેંક હવે 7 દિવસથી 45 દિવસમાં પાકતી FD પર 3.50 ટકા, 46 દિવસથી 60 દિવસમાં પાકતી FD પર 4 ટકા અને 61 દિવસથી 6 મહિનામાં પાકતી FD પર 4 ટકા ઓફર કરી રહી છે. ગ્રાહકોને 6 થી 9 મહિનામાં પાકતી ફિક્સ્ડ ડિપોઝિટ પર 5.25 ટકા વ્યાજ મળી રહ્યું છે.
બેંક 9 મહિનાથી 1 વર્ષમાં પાકતી FD પર 5.50 ના વાર્ષિક દરે વ્યાજ આપી રહી છે, જ્યારે ગ્રાહકોને 1 વર્ષથી 15 મહિનામાં પાકતી FD પર 6.25 ટકા વ્યાજ મળી રહ્યું છે. 15 મહિનાથી 18 મહિનામાં પાકતી FD પર 6.40 ટકા વ્યાજ અને 18 મહિનાથી 3 વર્ષમાં પાકતી ફિક્સ્ડ ડિપોઝિટ પર 6.50 ટકા વ્યાજ મળી રહ્યું છે. તેવી જ રીતે, બેંક 3 વર્ષથી 10 વર્ષમાં પાકતી થાપણો પર 6.50 ટકા વ્યાજ પણ આપી રહી છે.
ભારતમાં અહીં ગોરું કે સુંદર બાળક જન્મે તો મારી નાખવામાં આવે, આખા ગામની મહિલાઓ દૂધ પીવડાવે
HDFC બેંક FD વ્યાજ દરો
HDFC બેંક સામાન્ય ગ્રાહકોને 7 દિવસથી 10 વર્ષમાં પાકતી FD પર 3% થી 6.5% વ્યાજ ઓફર કરે છે. તે જ સમયે વરિષ્ઠ નાગરિકોને 3.5 ટકાથી લઈને 7 ટકા સુધીનું વ્યાજ આપવામાં આવી રહ્યું છે. HDFC બેંક વરિષ્ઠ નાગરિકોને 5 વર્ષના સમયગાળા માટે રૂ. 5 કરોડથી ઓછીની FD કરવા પર 0.25% વધારાના વ્યાજની ઓફર કરી રહી છે.
દિવાળી પહેલા સોનું મોંઘુદાટ થશે, કરવા ચોથ પર એક તોલાનો ભાવ 62,000 રૂપિયાને પાર થશે
સ્ટેટ બેંક ઓફ ઈન્ડિયા (SBI વ્યાજ દર)
સ્ટેટ બેંક ઓફ ઈન્ડિયા સામાન્ય ગ્રાહકોને 7 દિવસથી 10 વર્ષના સમયગાળામાં પાકતી FD પર 3% થી 6.25% વ્યાજ ઓફર કરે છે. તે જ સમયે, વરિષ્ઠ નાગરિકોને 3.50 ટકાથી 6.90 ટકા સુધી વ્યાજ આપવામાં આવી રહ્યું છે. આ દરો 22 ઓક્ટોબરથી લાગુ થશે. આ સિવાય SBI સ્ટાફ અને SBI પેન્શનરોને 1 ટકા વધુ વ્યાજ આપવામાં આવી રહ્યું છે.
એકવીસમી સદીમાં પણ ચાલે છે વિચિત્ર દુષ્ટ પ્રથા, અહીં પિતા જ તેની દીકરી સાથે લગ્ન કરી લે
ICICI બેંક દરો
ICICI બેંકે પણ હવે તેની FD પર વ્યાજ દરમાં વધારો કર્યો છે. FDના વ્યાજ દરમાં 30 બેસિસ પોઈન્ટનો વધારો કર્યો હતો. બેંક હવે સામાન્ય ગ્રાહકોને 7 દિવસથી 10 વર્ષમાં પાકતી FD પર 3% થી 6.60% વ્યાજ આપી રહી છે. જ્યારે વરિષ્ઠ નાગરિકો માટે આ દર 3.5 ટકાથી 7 ટકા સુધીનો છે.
