બુલિયન માર્કેટમાં આજે સોનાં અને ચાંદીના ભાવમાં ઘટાડો જોવા મળ્યો હતો. સોનાના ભાવ ક્વોટર ટકાના ઘટાડા સાથે જોવા મળ્યા હતા. ચાંદી પણ લગભગ 0.20 ટકાના પર છે. જેનાથી તમે જો સોનું ચાંદી લેવાની વિચારી રહ્યા હોવ તો આ એક સારી તક ગણી શકાય.
MCX પર સોના અને ચાંદીના દર
જો તમે આજે મલ્ટી કોમોડિટી એક્સચેન્જ પર સોનાના ભાવ પર નજર નાખો તો તે 0.25 ટકા ઘટીને 51,500 રૂપિયા પ્રતિ 10 ગ્રામના દરે છે. બીજી તરફ ચાંદીના ભાવ પર નજર કરીએ તો તે 0.18 ટકાની નબળાઈ સાથે 61,849 રૂપિયા પ્રતિ કિલોના દરે ટ્રેડ થઈ રહી છે.
આ પણ વાંચો: આ રીતે કરશો રોકાણ તો કરોડપતિ બનતા નહિં લાગે વાર, માત્ર 5 વર્ષ પહેલા કરેલા રોકાણ પર પણ મળશે બમણું વળતર
આંતરરાષ્ટ્રીય બજારમાં સોના અને ચાંદીના ભાવ
આંતરરાષ્ટ્રીય બજારમાં આજે સોનાની કિંમતમાં મોટો ઘટાડો જોવા મળી રહ્યો છે અને તે ઔંસ દીઠ $3.15ના ઘટાડા સાથે $1,711.85 પ્રતિ ઔંસ પર ટ્રેડ કરી રહ્યો છે. બીજી તરફ, ચાંદીના ભાવની વાત કરીએ તો, તે 0.32 ટકાના ઘટાડા સાથે 21.438 ડોલર પ્રતિ ઔંસ પર ટ્રેડ કરી રહી છે.
24, 22, 21, 18 અને 14 કેરેટ વચ્ચે શું તફાવત છે?
24 કેરેટ સોનાને સૌથી શુદ્ધ સોનું કહેવામાં આવે છે. તેમાં અન્ય કોઈ ધાતુની ભેળસેળ નથી. તેને 99.9 ટકા શુદ્ધતાનું સોનું કહેવામાં આવે છે. 22 કેરેટ સોનામાં 91.67 ટકા શુદ્ધ સોનું છે. અન્ય 8.33 ટકામાં અન્ય ધાતુઓનો સમાવેશ થાય છે. તે જ સમયે, 21 કેરેટ સોનામાં 87.5 ટકા શુદ્ધ સોનું છે. 18 કેરેટમાં 75 ટકા શુદ્ધ સોનું અને 14 કેરેટ સોનામાં 58.5 ટકા શુદ્ધ સોનું હોય છે.
આ પણ વાંચો: મગફળીની ચિક્કાર આવકો સામે ભાવમાં પણ વધારો: 1900 થી વધુના ભાવો, જાણો અહીં
મિસ્ડ કોલ દ્વારા જાણો સોના અને ચાંદીના ભાવ
કેન્દ્ર સરકાર દ્વારા જાહેર કરાયેલી રજાઓ સિવાય શનિવાર અને રવિવારે ibja દ્વારા દર જારી કરવામાં આવતા નથી. 22 કેરેટ અને 18 કેરેટ સોનાના દાગીનાના રિટેલ રેટ જાણવા માટે તમે 8955664433 પર મિસ્ડ કોલ આપી શકો છો. થોડીવારમાં એસએમએસ દ્વારા દરો પ્રાપ્ત થશે. આ સિવાય, તમે સતત અપડેટ વિશે માહિતી માટે www.ibja.com ની મુલાકાત લઈ શકો છો.
