વોટર આઈડી કાર્ડને આધાર કાર્ડ સાથે લિંક કરવાની પ્રક્રિયા શરૂ થઈ ગઈ છે. આ પ્રક્રિયા દેશના ઘણા ભાગોમાં શરૂ થઈ ગઈ છે અને BLO અધિકારીઓ ઘરે ઘરે જઈને મતદાર આઈડી કાર્ડ સાથે આધાર લિંક કરી રહ્યા છે. બીજી તરફ, જો તમારી પાસે વોટર આઈડી કાર્ડ નથી, તો તમે આ કામ કરી શકશો નહીં. તેથી જ વોટર આઈડી કાર્ડ બનાવવું જરૂરી છે.
આ પણ વાંચો: Duranga Web series Review: 'દુરંગા' એક શાનદાર 'સાયકોલોજિકલ' Web series
આ ઉપરાંત શાળા-કોલેજથી માંડીને બેંક સુધી વોટર આઈડી કાર્ડ જરૂરી છે અને મતદાન માટે વોટર આઈડીનો ઉપયોગ કરવામાં આવે છે. જો કે, જો તમે પહેલાથી જ વોટર કાર્ડ માટે અરજી કરી છે, તો અહીં તમને જણાવવામાં આવી રહ્યું છે કે તમે વોટર આઈડી કાર્ડને કેવી રીતે ટ્રેક કરી શકો છો અને તેનું સ્ટેટસ જાણી શકો છો. ઉપરાંત, તમે જાણી શકો છો કે તમારું વોટર આઈડી કાર્ડ બન્યા પછી ક્યારે તમારા સુધી પહોંચશે.
મતદાર આઈડી સ્થિતિ કેવી રીતે તપાસવી
સૌથી પહેલા વોટર વોટર સર્વિસ પોર્ટલ nvsp.in પર જાઓ અને લોગિન કરો.
આ પછી તમારી સામે એક નવું પેજ ખુલશે, જ્યાં તમારે રેફરન્સ આઈડી દાખલ કરવાનું રહેશે, જે તમને વોટર આઈડી માટે અરજી કરતી વખતે આપવામાં આવ્યું હશે.
હવે Track Status પર ક્લિક કરો.
આ પછી, તમારું મતદાર કાર્ડ ક્યારે આવશે તેની સંપૂર્ણ માહિતી તમને મળશે.
તમને જણાવી દઈએ કે આ સ્ટેટસ પરથી તમને સંપૂર્ણ માહિતી મળી જશે કે તમારા વોટર કાર્ડ માટે ક્યારે એપ્લાય કરવામાં આવ્યું હતું અને તે તમારી પાસે ક્યારે આવશે. ચૂંટણી પંચની વેબસાઈટ મુજબ મતદાર આઈડી કાર્ડ 10 થી 1 મહિનામાં તૈયાર થઈ જશે.
આ પણ વાંચો: રાજ્યમા વરસાદને લઈને હવામાન વિભાગ દ્વારા આગાહી...
અરજી કરવા માટે કયા દસ્તાવેજો જરૂરી છે
જો તમે વોટર આઈડી કાર્ડ માટે અરજી કરવા માંગો છો તો તમારી પાસે પ્રમાણપત્રના રૂપમાં કેટલાક દસ્તાવેજો હોવા જરૂરી છે. તેને પૂર્ણ કરવા માટે, તમારી પાસે રેશન કાર્ડ, આધાર કાર્ડ, પાન કાર્ડ, ડ્રાઇવિંગ લાઇસન્સ વગેરે જેવા કોઈપણ એક ઓળખ કાર્ડ હોવું જોઈએ. જો આ બધી વસ્તુઓ ન હોય તો પણ તમે ઈલેક્ટ્રિક બિલમાંથી વોટર આઈડી માટે પણ અરજી કરી શકો છો.
રાજ્યભરમાં મતદાર યાદી સુધારણા કાર્યક્રમ
રાજ્યના ચૂંટણી પંચ દ્વારા મળેલી માહિતી અનુસાર ગુજરાતભરમાં આજથી મતદાર સુધારણા કાર્યક્રમની શરૂઆત કરવામાં આવી છે. રાજ્યમાં 21 ઓગસ્ટ, 2022 રવિવાર, 28 ઓગસ્ટ 2022 રવિવાર, 4 સપ્ટેમ્બર 2022 રવિવાર અને 11 સપ્ટેમ્બર 2022 રવિવાર એટલે કે આજથી સતત ચાર રવિવાર સુધી મતદાર સુધારણા કાર્યક્રમ ચાલવાનો છે.
