ચોમાસાની સિઝનના આગમન સાથે, બેંક ઓફ બરોડાએ તેના ગ્રાહકો માટે એક આકર્ષક સ્કીમની જાહેરાત કરી છે. આ યોજના ખાસ કરીને એવા રોકાણકારો માટે છે જેઓ ટૂંકા ગાળામાં સારું વળતર મેળવવા માંગે છે.
બેંક ઓફ બરોડાએ આ સ્કીમને "મોન્સૂન ધમાકા ડિપોઝિટ સ્કીમ" નામ આપ્યું છે, જે 333 અને 399 દિવસ માટે થાપણો પર મોટા વ્યાજ દરો ઓફર કરે છે.
બેંક ઓફ બરોડાની મોનસૂન ધમાકા ડિપોઝીટ સ્કીમ શું છે?
બેંક ઓફ બરોડાએ તેના ગ્રાહકો માટે એક ખાસ ફિક્સ ડિપોઝિટ સ્કીમ શરૂ કરી છે, જેને મોનસૂન ધમાકા ડિપોઝિટ સ્કીમ તરીકે ઓળખવામાં આવે છે. આ સ્કીમ હેઠળ ગ્રાહકો 333 અને 399 દિવસની અવધિ માટે તેમની રકમ જમા કરાવી શકે છે. ખાસ વાત એ છે કે આ સ્કીમ પર ઉપલબ્ધ વ્યાજ દર ખૂબ જ આકર્ષક છે.
BOB મોનસૂન ધમાકા ડિપોઝિટ સ્કીમ વ્યાજ દર
આ મોનસૂન ધમાકા ડિપોઝિટ સ્કીમ હેઠળ, બેંક ઓફ બરોડા 333 અને 399 દિવસની થાપણો પર વિશેષ વ્યાજ દર ઓફર કરી રહી છે. આ યોજના હેઠળ, 333 દિવસની થાપણો પર 7.15% અને 399 દિવસની થાપણો પર 7.25% વ્યાજ દર આપવામાં આવે છે.
આ યોજના 15મી જુલાઈ 2024થી શરૂ કરવામાં આવી છે. આ વ્યાજ દર રૂપિયા 3 કરોડથી ઓછા પર આપવામાં આવે છે. આમાં વરિષ્ઠ નાગરિકોને 0.50%ના ઊંચા દરે વ્યાજ આપવામાં આવે છે. આમાં વરિષ્ઠ નાગરિકોને 333 દિવસની ડિપોઝિટ સ્કીમ પર 7.65% વ્યાજ અને 399 દિવસની ડિપોઝિટ સ્કીમ પર 7.75% વ્યાજ આપવામાં આવે છે.
