Gold Price Today: સોનાના વાયદાના ભાવ આજે ઉછાળા સાથે ખુલ્યા હતા પરંતુ બાદમાં તેમના ભાવમાં ઘટાડો જોવા મળ્યો હતો. ચાંદીના વાયદાના ભાવમાં ઘટાડા સાથે શરૂઆત થઈ હતી. સોનાના વાયદાના ભાવ રૂ. 61,100ની આસપાસ અને ચાંદીના વાયદાના ભાવ રૂ. 71,500 આસપાસ ટ્રેડ થઈ રહ્યા છે. આંતરરાષ્ટ્રીય બજારમાં પણ સોના અને ચાંદીના વાયદાના ભાવ વધારા સાથે શરૂ થયા હતા પરંતુ બાદમાં સુસ્ત બન્યા હતા.
સમયમર્યાદા ફરી લંબાવવામાં આવી, હવે તમે આવતા વર્ષના છેક આ મહિના સુધી મફતમાં આધાર અપડેટ કરી શકશો
સોનાના વાયદામાં મજબૂત શરૂઆત બાદ નરમાઈ
સોનાના વાયદાના ભાવ આજે ઉછાળા સાથે શરૂ થયા હતા પરંતુ બાદમાં નરમ પડ્યા હતા. મલ્ટી કોમોડિટી એક્સચેન્જ (MCX) પર સોનાનો બેન્ચમાર્ક ફેબ્રુઆરી કોન્ટ્રાક્ટ આજે રૂ. 15ના વધારા સાથે રૂ. 61,196 પર ખૂલ્યો હતો. આ સમયે તે દિવસના ઉચ્ચ સ્તરે રૂ. 61,196 અને દિવસની નીચી સપાટી રૂ. 61,085 પર પહોંચ્યો હતો. ગયા અઠવાડિયે સોનાના વાયદાના ભાવ રૂ. 64,063ની સર્વોચ્ચ સપાટીએ પહોંચ્યા હતા. અમદાવાદમાં 24 કેરેટ સોનાના એક તોલાના ભાવ હાલમાં 62,865 રૂપિયા છે.
જલ્દી કરો, 31 તારીખ પહેલાં આ ત્રણ બેંકમાં લઈ લો લાભ, ફરી નહીં આવે આવી યોજના
ચાંદીના વાયદાના ભાવ ઘટ્યા હતા
ચાંદીના વાયદાના ભાવમાં ઘટાડા સાથે શરૂઆત થઈ હતી. MCX પર ચાંદીનો બેન્ચમાર્ક માર્ચ કોન્ટ્રાક્ટ આજે રૂ. 117ના ઘટાડા સાથે રૂ. 71,745 પર ખૂલ્યો હતો. આ સમયે તે દિવસની ઊંચી સપાટીએ રૂ. 71,745 અને દિવસની નીચી સપાટી રૂ. 71,551 પ્રતિ કિલોએ પહોંચી હતી. ગયા અઠવાડિયે ચાંદીના વાયદાના ભાવ રૂ. 78,549ની દિવસની ઊંચી સપાટીએ પહોંચ્યા હતા.
આજે 2 લાખ જમા કરાવો, થઈ જશે 4 લાખ રૂપિયા, વ્યાજમાં વધારા પછી Post office ની બેસ્ટ યોજના
આંતરરાષ્ટ્રીય બજારમાં મજબૂત શરૂઆત બાદ સોના અને ચાંદીના વાયદાના ભાવમાં ઘટાડો થયો
આંતરરાષ્ટ્રીય બજારમાં સોના અને ચાંદીના વાયદાના ભાવ આજે ઉંચા શરૂ થયા હતા પરંતુ બાદમાં તેમની કિંમતો ધીમી પડી હતી. કોમેક્સ પર સોનું $1,995.10 પ્રતિ ઔંસ પર ખુલ્યું. અગાઉની બંધ કિંમત $1,993.20 હતી. લેખન સમયે તે $ 0.40 ની નીચે $ 1,992.80 પ્રતિ ઔંસના ભાવે ટ્રેડ થઈ રહ્યું હતું. કોમેક્સ પર ચાંદીનો વાયદો $23.07 પર ખૂલ્યો, જે અગાઉનો બંધ ભાવ $23.01 હતો. લેખન સમયે તે 0.07 ના ઘટાડા સાથે $ 22.94 પ્રતિ ઔંસ પર ટ્રેડ કરી રહ્યું હતું.
