ભારતીય રિઝર્વ બેંક (RBI)ના વ્યાજ દરોમાં સતત વધારા બાદ હવે ઘણી બેંકો તેમના ગ્રાહકો માટે ફિક્સ્ડ ડિપોઝિટના વ્યાજ દરમાં વધારો કરી રહી છે. આવી સ્થિતિમાં, આ બેંકોમાં એફડી કરાવવાથી વરિષ્ઠ નાગરિકો માટે વ્યાજ દરોમાં ઘણો નફો થઈ શકે છે. કેટલીક નાની ફાઇનાન્સ બેંકો તેમના વરિષ્ઠ નાગરિક ગ્રાહકોને 9% થી 9.5% સુધીનું વ્યાજ ઓફર કરી રહી છે. ચાલો જોઈએ કે કઈ બેંકોમાં ગ્રાહકોને 9 ટકાથી વધુ વ્યાજ દરનો લાભ મળી રહ્યો છે.
યુનિટી સ્મોલ ફાઇનાન્સ બેંક
યુનિટી સ્મોલ ફાઇનાન્સ બેંક તેના વરિષ્ઠ નાગરિક ગ્રાહકોને ફિક્સ ડિપોઝિટ પર 9.50% સુધી વ્યાજ ઓફર કરી રહી છે. ગ્રાહકોને આ વ્યાજ 1001 દિવસની FD પર મળી રહ્યું છે. આ ઉપરાંત, ગ્રાહકો બેંકમાં 7 દિવસથી 10 વર્ષ સુધીની FD મેળવી શકે છે, જેમાં તેમને વિવિધ સમયગાળા માટે 4.75% થી 9% સુધીનું વ્યાજ મળે છે.
જો કોઈ વરિષ્ઠ નાગરિક ગ્રાહકે પાંચ વર્ષ માટે બેંકમાં પાંચ લાખ રૂપિયાની FD કરી હોય તો પાંચ વર્ષ પછી તેને લગભગ 6.78 લાખ રૂપિયા મળશે.
ઉત્કર્ષ સ્મોલ ફાઇનાન્સ બેંક
ઉત્કર્ષ સ્મોલ ફાઇનાન્સ બેંક તેના વરિષ્ઠ નાગરિક ગ્રાહકોને ફિક્સ્ડ ડિપોઝિટ પર 9% સુધી વ્યાજ ઓફર કરે છે. ગ્રાહકોને 700 દિવસની FD પર આ વ્યાજ મળી રહ્યું છે. આ ઉપરાંત, ગ્રાહકો બેંકમાં 7 દિવસથી 10 વર્ષ સુધીની FD મેળવી શકે છે, જેમાં તેમને વિવિધ સમયગાળા માટે 4.50% થી 9.50% સુધીનું વ્યાજ મળે છે.
જો કોઈ વરિષ્ઠ નાગરિક ગ્રાહકે પાંચ વર્ષ માટે બેંકમાં પાંચ લાખ રૂપિયાની FD કરી હોય તો પાંચ વર્ષ પછી તેને લગભગ 7.52 લાખ રૂપિયા મળશે.
