Railway Jobs: રેલવેમાં 10 પાસ માટે બમ્પર વેકેન્સી છે. રેલ્વે રિક્રુટમેન્ટ સેલ (RRC) નોર્ધન રેલ્વેના નોટિફિકેશન મુજબ, 4096 એપ્રેન્ટિસ પોસ્ટ માટે અરજીઓ આજથી શરૂ થઈ ગઈ છે. રસ ધરાવતા ઉમેદવારો 16 સપ્ટેમ્બર 2024 સુધી અરજી કરી શકે છે. ખાસ વાત એ છે કે આ માટે કોઈ પરીક્ષા કે ઈન્ટરવ્યુ પણ લેવામાં આવશે નહીં. ઉમેદવારોની પસંદગી સ્ક્રીનીંગ દ્વારા કરવામાં આવશે.
ઉત્તર રેલવેની સૂચના અનુસાર એપ્રેન્ટિસની જગ્યાઓ માટે અરજી કરવા માટે, વ્યક્તિએ rrcnr.org પર જવું પડશે. 10મું પાસ કરેલ ઉમેદવારો પાસે ITI/NCVT પ્રમાણપત્ર હોવું આવશ્યક છે. ઉમેદવારની લઘુત્તમ વય 15 વર્ષ અને મહત્તમ વય 24 વર્ષ હોવી જોઈએ.
SC, ST ઉમેદવારોને પાંચ વર્ષની ઉંમરમાં છૂટછાટ આપવામાં આવી છે, OBC ઉમેદવારોને ત્રણ વર્ષની અને દિવ્યાંગ ઉમેદવારોને 10 વર્ષની ઉંમરમાં છૂટછાટ આપવામાં આવી છે. અરજી ફી 100 રૂપિયા હશે. જો કે, SC, ST, EWS, PwBD અને મહિલા ઉમેદવારો માટે કોઈ ફી રહેશે નહીં.
ક્લસ્ટર પ્રમાણે ખાલી જગ્યાની વિગતો આ પ્રમાણે છે
લખનૌ (LKO)- 1607
C&W POH W/S જગધારી યમુના નગર -420
દિલ્હી- 919
CWM/ASR- 125
અંબાલા (UMB)- 494
મુરાદાબાદ એમ.બી- 16
ફિરોઝપુર- 459
NHRQ/NDLS P શાખા -134
કુલ -4096
રેલ્વે એપ્રેન્ટિસ માટે પસંદ કરાયેલા ઉમેદવારોએ મેટ્રિક/એસએસસી/10મું પાસમાં ઓછામાં ઓછા 50% માર્ક્સ હોવા જોઈએ. આ સિવાય આઈટીઆઈની બંને પરીક્ષામાં મેળવેલ ટકાવારી ગુણની સરેરાશ ગણતરી કર્યા બાદ મેરિટ લિસ્ટ તૈયાર કરવામાં આવશે.
મેરિટ લિસ્ટમાં 10 પાસ અને ITIને સમાન મહત્વ આપવામાં આવશે. મેરિટ લિસ્ટ નવેમ્બર 2024માં જાહેર થઈ શકે છે. જે ઉમેદવારોને છેલ્લે પસંદ કરવામાં આવ્યા છે તેમને 16700 રૂપિયાથી 26200 રૂપિયા પ્રતિ માસનો પગાર આપવામાં આવશે.
