Battlegrounds Mobile India ના ચાહકો માટે એક મોટો સમાચાર સામે આવી રહ્યાં છે. આ ગેમને રમવા માટે ઉપલબ્ધ છે. હાલ આ અત્યારે આ ગેમને પરીક્ષક માટે ઉપલબ્ધ કરાવવામાં આવ્યું છે. એટલે કે તમારે આ ગેમના Official Version ની રાહ જોવી પડશે. Battlegrounds Mobile India રમવા માટે, તમારે તેના પરીક્ષક બનવા માટે અરજી કરવી પડશે.
તમે પરીક્ષક બનીને રમત ડાઉનલોડ કરી શકો છો. જો કે, સમાચાર લખાયા ત્યાં સુધીમાં પરીક્ષકના સ્લોટ ભરાઈ ગયા હતા. પરંતુ કંપનીએ ફેસબુક પોસ્ટ કરીને પુષ્ટિ કરી છે કે તે ટૂંક સમયમાં Battlegrounds Mobile India વધુ પરીક્ષકો માટે ઉપલબ્ધ થશે. આ કારણથી નવા વપરાશકર્તાઓ તેને ડાઉનલોડ કરવામાં સમર્થ નથી. પરીક્ષણ પેજ ખોલતાં, વપરાશકર્તાને એક સંદેશ બતાવવામાં આવશે. તેમાં જણાવાયું છે કે, Battlegrounds Mobile India એપ્લિકેશનના પરીક્ષક બનવા માટે રસ દર્શાવ્યો તે બદલ આભાર.
આ સમયે Battlegrounds Mobile India મહત્તમ સંખ્યાના પરીક્ષણ કાર્યક્રમ પર પહોંચી ગયો છે. એટલે કે, હવે નવા વપરાશકર્તાઓ તેમાં ઉમેરી શકાતા નથી. હવે તેમાં નવા પરીક્ષકો ઉમેરવામાં આવી રહ્યા નથી. આ પેજ ઘણા લોકોને એરર નો મેસેજ પણ આપી રહ્યું છે. Battlegrounds Mobile India ના પરીક્ષક પ્રોગ્રામ દ્વારા ઘણા લોકોએ આ ગેમને ડાઉનલોડ કરી છે. આ અંગે યુઝર્સ ટ્વિટર પર સ્ક્રીનશોટ પણ શેર કરી રહ્યા છે. શેર કરેલા સ્ક્રીનશોટમાં, આ ગેમનું કદ 721MB તરીકે દર્શાવવામાં આવ્યું છે.
Battlegrounds Mobile India ની બાજુમાં Early Access પણ લખાયેલ છે. તેમજ, ઘણા વપરાશકર્તાઓ ડાઉનલોડ વિશે ફરિયાદ પણ કરી રહ્યા છે. વપરાશકર્તાઓ દ્વારા શેર કરેલા સ્ક્રીનશોટ અનુસાર, તેમાં ફેસબુક અને ટ્વિટર સાથે લોગિન કરવાનો વિકલ્પ પણ આપવામાં આવ્યો છે.
Battlegrounds Mobile India પૂર્વ નોંધણી (Pre-registration) 18 મેથી શરૂ કરવામાં આવ્યું છે. રિપોર્ટ અનુસાર, તેને પૂર્વ નોંધણીના એક મહિના પછી જ રજૂ કરવામાં આવશે, એટલે કે તેને 18 જૂને બહાર પાડવામાં આવી શકે છે.
ગયા વર્ષે ભારત સરકાર દ્વારા PUBG Mobile પર પ્રતિબંધ મૂકવામાં આવ્યો હતો. ત્યારથી આ ગેમ ભારતમાં સતત વાપસી કરવાનો પ્રયાસ કરી રહી છે. Krafton ભારત માટે PUBG Mobile નું Special Version ‘Battlegrounds Mobile India’ રિલીઝ કરશે. હવે આ ગેમ બધા વપરાશકર્તાઓ માટે ક્યારે ઉપલબ્ધ થશે, તે અગત્યની બાબત ગણી શકાય.
