BOB 05 જૂન, 2023થી (ICCW) સુવિધા શરૂ કરી છે. BOB ના ATM પર, ગ્રાહકો એક દિવસમાં બે ટ્રાન્ઝેક્શન કરી શકે છે અને એક સમયે વધુમાં વધુ 5,000 રૂપિયા ઉપાડી શકાય છે. જાણીએ સંપૂર્ણ માહિતી.
બેંક ઓફ બરોડા એટીએમમાં UPI રોકડ ઉપાડની સુવિધા
જાહેર ક્ષેત્રની બેંક ઓફ બરોડા (BoB) એ 05 જૂન, 2023 થી ઇન્ટરઓપરેબલ કાર્ડલેસ કેશ વિથડ્રોઅલ (ICCW) સુવિધા શરૂ કરી છે, જેમાં ગ્રાહક UPI નો ઉપયોગ કરીને બેંકના ATMમાંથી રોકડ ઉપાડી શકે છે.
BOBએ એક નિવેદનમાં જણાવ્યું હતું કે UPI દ્વારા ATMમાંથી રોકડ ઉપાડની સુવિધા આપનારી તે પ્રથમ જાહેર ક્ષેત્રની બેંક છે. બેંકે કહ્યું કે તેની ICCW સુવિધાનો લાભ લઈને તેના ગ્રાહકો તેમજ BHIM UPI અને અન્ય UPI એપ્લિકેશનનો ઉપયોગ કરીને અન્ય સહભાગી બેંકોના ગ્રાહકો ATMમાંથી રોકડ ઉપાડી શકશે.
બેંક ઓફ બરોડાના એટીએમમાંથી રોકડ ઉપાડવા માટે ગ્રાહકોને ડેબિટ કાર્ડનો ઉપયોગ કરવાની જરૂર રહેશે નહીં. આ સેવાનો લાભ લેવા માટે ગ્રાહકે બેંક ઓફ બરોડાના ATM પર 'UPI કેશ વિથડ્રોલ'નો વિકલ્પ પસંદ કરવાનો રહેશે. પછી ઉપાડવાની રકમ દાખલ કર્યા પછી, ATMની સ્ક્રીન પર એક QR કોડ દેખાશે. વ્યવહારને અધિકૃત કરવા માટે ICCW માટે અધિકૃત UPI એપનો ઉપયોગ કરીને આ કોડ સ્કેન કરવાનો રહેશે.
બેંકના ચીફ ડિજિટલ ઓફિસર અખિલ હાંડાએ જણાવ્યું હતું કે ICCW સેવાની રજૂઆતથી ગ્રાહકોને કાર્ડનો ઉપયોગ કર્યા વિના રોકડ ઉપાડવાની સ્વતંત્રતા મળશે. BOB ATM પર, ગ્રાહકો એક દિવસમાં બે ટ્રાન્ઝેક્શન કરી શકે છે અને એક સમયે વધુમાં વધુ 5,000 રૂપિયા ઉપાડી શકાય છે.
