સમયની સાથે સાથે લોકો હવે પોતાના મોટાભાગની કાર્યો ડિજિટલ રીતે જ કરવા લાગ્યા છે. પછી તે વીજળીનું બિલ હોય કે ક્રેડિટ કાર્ડનું પેમેન્ટ, ઉપરાંત ઘણા એવા કાર્યો કે જે માટે બહાર જવાની જરૂર જ નથી. જી હાં મિત્રો હવે તમે LICનું પ્રીમિયમ પણ ઓનલાઈન ચૂકવી શકો છો.
તમારે LICનું પ્રીમિયમ ભરવા માટે ઓફિસ જવાની પણ જરૂર નથી. ભારતીય જીવન વીમા નિગમે તેના પોલિસીધારકોને પ્રીમિયમ ચૂકવવા માટે કેટલાક ઓનલાઈન વિકલ્પો પ્રદાન કર્યા છે. એલઆઈસીની વેબસાઈટ સિવાય, એવી ઘણી પેમેન્ટ એપ્સ છે જે તમને એલઆઈસી પ્રીમિયમ જમા કરાવવામાં મદદ કરે છે.
LIC વેબસાઈટ પરથી પ્રીમિયમ જમા કરાવવાની આ છે સરળ રીત
- તમારે પહેલા www.licindia.in વેબસાઈટ પર જવું
- આ પછી, તમને અહીં 'પે ડાયરેક્ટ' લખેલું દેખાશે જ્યાં તમે લોગિન વિના પણ પ્રીમિયમ ચૂકવી શકો છો.
- અહીં બીજું પેજ ખુલશે જ્યાં લખેલું હશે 'Please select', 'પ્રીમિયમ પેમેન્ટ', તેના પર ક્લિક કરી, પ્રોસીડ બટન પર ક્લિક કરવું
રજિસ્ટર્ડ યુઝર્સ આ રીતે ચૂકવે છે પ્રીમિયમ
આ સિવાય રજિસ્ટર્ડ યુઝર્સે પહેલા LICની ઓફિશિયલ વેબસાઈટ પર જવું પડશે. અહીં ગ્રાહક પોર્ટલ દ્વારા ક્લિક કરીને પ્રીમિયમ સંબંધિત માહિતી પૂછવામાં આવશે. વિગતો ભર્યા પછી તમારે સાઇન ઇન કરવું પડશે. આગલા પેજ પર, Self/policies વિકલ્પ પર ક્લિક કરો. અહીં તમે LIC રિન્યુઅલ તારીખ જોશો. જો ચુકવણી બાકી હોય, તો નવીકરણની તારીખ બતાવવામાં આવશે. આ પછી, તમે પે પ્રીમિયમનો વિકલ્પ પસંદ કરીને તમારી પોલિસી સબમિટ કરી શકો છો.
એપ્લિકેશન્સ દ્વારા
આ સિવાય ઘણી UPI પેમેન્ટ એપ્સ છે જ્યાં LIC પ્રીમિયમ ભરવાની સુવિધા આપવામાં આવી છે. અહીંથી ગ્રાહકો સરળતાથી પ્રીમિયમ ચૂકવી શકે છે. LIC પ્રીમિયમ PhonePe, Paytm, Google Pay વગેરે જેવી પેમેન્ટ એપની મુલાકાત લઈને ચૂકવી શકાય છે.
આ રીતે ચેક કરો સ્ટેટસ
- તમારી પોલિસીનું સ્ટેટસ જાણવા માટે, LIC ની સત્તાવાર વેબસાઇટ https://www.licindia.in/ ની મુલાકાત લો.
- અહીં તમારું રજીસ્ટ્રેશન કરો.
- રજીસ્ટ્રેશન કરવા માટે, વેબસાઇટ લિંક https://ebiz.licindia.in/D2CPM/#Register ની મુલાકાત લો.
- ત્યારબાદ તેમાં તમારું નામ, પોલિસી નંબર અને જન્મ તારીખ દાખલ કરો.
- એકવાર રજીસ્ટ્રેશન થઈ જાય, પછી તમે ગમે ત્યારે તમારું LIC ખાતું ખોલીને સ્ટેટસ ચેક કરી શકો છો.
