હિરો ઇલેક્ટ્રિક ફેસ્ટિવ સિઝનમાં ગ્રાહકો માટે શાનદાર ઓફર લઈને આવી છે. આ તહેવારની સીઝનમાં, કંપની 30 દિવસમાં 30 ઇલેક્ટ્રિક સ્કૂટર મફતમાં આપવા જઈ રહી છે. કંપનીની આ સ્કીમ 7 ઓક્ટોબરથી શરૂ થઈ છે. 7 નવેમ્બર સુધી ચાલનાર આ તહેવારની સીઝનમાં, લકી ગ્રાહકો મફતમાં ઇલેક્ટ્રિક સ્કૂટર મેળવી શકે છે. આ સ્કીમ દેશમાં કંપનીના 700 થી વધુ શોરૂમ પર ઉપલબ્ધ છે.
જે ગ્રાહકો સ્પર્ધા જીતે છે તેમને ફાયદો થશે: તહેવારોની ઓફર દરમિયાન હીરો ઇલેક્ટ્રિક સ્કૂટર ખરીદનારા ગ્રાહકોએ એક સ્પર્ધામાં ભાગ લેવો પડશે. 30 દિવસ સુધી ચાલેલી આ ઓફરમાં, સ્પર્ધાના વિજેતાની પસંદગી લકી ડ્રો દ્વારા દરરોજ કરવામાં આવશે. વિજેતા ગ્રાહકને કંપની દ્વારા ખરીદવામાં આવેલા ઇલેક્ટ્રિક સ્કૂટરની એક્સ-શોરૂમ પ્રાઈઝ રિફંડ કરશે.
પરવડે એવું EMI અને એક્સટેન્ડ વોરંટી પણ: 30 દિવસ 30 બાઇક ઓફર ઉપરાંત, કંપનીએ ગ્રાહકોનો ઓનલાઇન સર્વિસ બુકિંગ સુવિધાનો ડિજિટલ અનુભવ પણ વધાર્યો છે. ગ્રાહકો હવે કંપનીની વેબસાઇટ અને 700 થી વધુ ટચપોઇન્ટ પર હીરો ઇલેક્ટ્રિક સ્કૂટર બુક કરાવી શકે છે. ગ્રાહકો માટે, કંપની 5 વર્ષ સુધીની વિસ્તૃત વોરંટી સાથે સસ્તા EMI ઓપ્શન પણ આપી રહી છે. એટલું જ નહીં, ગ્રાહકોની સુવિધા માટે, કંપની જીરો ડિલિવરી ચાર્જ સાથે ખરીદેલા સ્કૂટરની ઝડપી હોમ ડિલિવરી પણ આપી રહી છે.
કંપનીના વેચાણમાં મોટો વધારો: ચાલુ નાણાકીય વર્ષના પ્રથમ 6 મહિનામાં હીરો ઇલેક્ટ્રિકના વેચાણમાં અસાધારણ વૃદ્ધિ જોવા મળી છે. એપ્રિલ 2021 અને સપ્ટેમ્બર 2021 વચ્ચે કંપનીએ 15,000 યુનિટ વેચ્યા.ગયા વર્ષે આ જ સમયે, આ આંકડો માત્ર 3,270 સુધી પહોંચ્યો હતો. ઇલેક્ટ્રિક ટુ-વ્હીલર માર્કેટમાં કંપનીનો બજાર હિસ્સો 40 ટકા છે. માંગમાં ઉછાળાને કારણે કંપનીએ માર્ચ 2022 સુધીમાં તેની ઉત્પાદન ક્ષમતા 1 લાખથી વધારીને 5 લાખ યુનિટ કરવાનું શરૂ કર્યું છે.
