કેન્દ્ર સરકાર 1 એપ્રિલ, 2022 થી પ્રથમ વખત ઘર ખરીદનારાઓ માટે આવકવેરા કાયદાની કલમ 80EEA (INCOME TAX ACT 80EEA) હેઠળ આવકવેરા લાભો બંધ કરવા જઈ રહી છે. બજેટ 2021 માં, કેન્દ્રીય નાણા પ્રધાન નિર્મલા સીતારમણે કલમ 80EEA હેઠળ આવકવેરા લાભને 31 માર્ચ 2022 સુધી લંબાવ્યો હતો. જેનાથી ઘર ખરીદનારાઓને 1.50 લાખ રૂપિયા સુધીની આવકવેરા મુક્તિનો દાવો કરવાની મંજૂરી મળતી હતી.
જો હાઉસ પ્રોપર્ટીની કિંમત 45 લાખ રૂપિયાથી ઓછી છે, તો તમે હોમ લોનના વ્યાજની ચુકવણી પર 1.50 લાખ રૂપિયા સુધીની આવકવેરામાં છૂટનો દાવો કરી શકો છો.
પરંતુ બજેટ 2022 માં, આ લાભ વધુ સમયગાળા માટે લંબાવવામાં આવ્યો નથી, જેનો અર્થ છે કે નવા ઘર ખરીદનારાઓએ 1 એપ્રિલ, 2022 થી શરૂ થતા આગામી નાણાકીય વર્ષથી વધુ આવક વેરો ચૂકવવો પડશે.
તમને જણાવી દઈએ કે, જો કોઈ કરદાતા આગામી નાણાકીય વર્ષમાં ઘર ખરીદવાનું વિચારી રહ્યા છે, તો પણ તે આ આવકવેરા લાભનો લાભ લઈ શકે છે.
નોંધનીય રીતે, આવકવેરાની કલમ 80EEA હેઠળ કપાતનો દાવો કરવા માટે, લોનની મંજૂરીની તારીખે તમારી પાસે અન્ય કોઈ હાઉસ પ્રોપર્ટી હોવી જોઈએ નહીં.
