નાણાકીય વર્ષ 2020-21 માટે ઈન્કમ ટેક્સ રિટર્ન (ITR) ફાઈલ કરવાની છેલ્લી તારીખ 31 ડિસેમ્બર છે. ટેક્સ નિષ્ણાતોના મતે, સમયમર્યાદા પહેલા ITR ફાઈલ કરવાથી તમે દંડથી તો બચશો જ, પરંતુ અન્ય ઘણા ફાયદા પણ થશે. જો તમે નિયત તારીખ પહેલા ITR ફાઈલ ન કરો તો તમારે ભારે દંડ ભરવો પડી શકે છે. જો તમે સમયસર ઈન્કમ ટેક્સ રિટર્ન (ITR) ફાઈલ કર્યું છે, તો તમને નોટિસ મળવાનો ડર પણ નથી.
પીએફ ખાતા ધારકો માટે નોમિની જરૂરી છે: એમ્પ્લોઈઝ પ્રોવિડન્ટ ફંડ ઓર્ગેનાઈઝેશન (EPFO) એ તમામ PF ખાતાધારકોને નોમિની ઉમેરવા કહ્યું છે. EPFO એ નોમિની ઉમેરવાની છેલ્લી તારીખ તરીકે 31મી ડિસેમ્બર 2021 નક્કી કરી છે. જો તમે 31 ડિસેમ્બર સુધીમાં તમારા પીએફ ખાતામાં નોમિનીને એડ નહીં કરો તો તમારે ઘણી મુશ્કેલીઓનો સામનો કરવો પડી શકે છે. તમને જણાવી દઈએ કે, તમે EPFOની સાઈટ પર જઈને આ કામ સરળતાથી ઓનલાઈન કરી શકો છો. આ નિયમ એટલા માટે બનાવવામાં આવ્યો છે કારણ કે નોંધણી કરીને, EPF સભ્યના મૃત્યુ પર PF નાણા, કર્મચારી પેન્શન યોજના (EPS) અને કર્મચારી ડિપોઝિટ લિંક્ડ વીમા યોજના (EDLI)નો લાભ સરળતાથી મળી શકે છે.
ફાઇલ ઓડિટ રિપોર્ટ: આ મહિનાના અંત સુધીમાં ઓડિટ રિપોર્ટ ફાઇલ કરવાનું પણ ફરજિયાત છે. જે બિઝનેસમેનની વાર્ષિક આવક રૂ. 10 કરોડથી વધુ છે, તેમણે આવકવેરા રિટર્નની સાથે ઓડિટ રિપોર્ટ ફાઇલ કરવો પડશે. આર્કિટેક્ટ, એન્જિનિયર, ડોક્ટર, ફિલ્મ અભિનેતા, વકીલ, ટેકનિશિયન જેવા પ્રોફેશનલ્સે માત્ર રૂ. 50 લાખથી વધુની આવક પર જ ઓડિટ રિપોર્ટ સબમિટ કરવાનો રહેશે. નાણાકીય વર્ષ 2020-21 માટે ઓડિટ ફાઇલ કરવાની છેલ્લી તારીખ 31 ડિસેમ્બર છે.
હોમ લોન ઓછા વ્યાજે મળે છે: બેંક ઓફ બરોડાએ તહેવારોની સિઝનમાં હોમ લોનનો વ્યાજ દર ઘટાડીને 6.50% કર્યો છે. એટલે કે હવે તમે સસ્તા દરે હોમ લોન લઈ શકો છો. અને સૌથી મહત્વની વાત એ છે કે નવી લોન સિવાય અન્ય બેંકમાંથી ટ્રાન્સફર કરવામાં આવેલી હોમ લોન પર પણ નવા વ્યાજ દરનો લાભ મળશે. પરંતુ તમને જણાવી દઈએ કે તમને આ ઑફરનો લાભ 31 ડિસેમ્બર સુધી મળશે. આવી સ્થિતિમાં, જો તમે પણ હોમ લોન લેવાનું વિચારી રહ્યા છો, તો તમે તેના માટે 31 ડિસેમ્બર સુધી અરજી કરી શકો છો.
