રિલાયન્સ ડિજિટલે દિવાળીના ખાસ અવસર પર ગ્રાહકો માટે આકર્ષક ઓફરની જાહેરાત કરી છે. કંપનીની 'દિવાળી ધમાકા' ઓફર હેઠળ ગ્રાહકોને 1 વર્ષ માટે ફ્રી Jio AirFiber મેળવવાની તક મળશે. આ ઓફર 18મી સપ્ટેમ્બરથી શરૂ થશે અને 3જી નવેમ્બર 2024 સુધી ચાલુ રહેશે.
આ ઑફરનો લાભ લેવા માટે ગ્રાહકો રિલાયન્સ ડિજિટલ અથવા માય જિયો સ્ટોર પર રૂ. 20,000 કે તેથી વધુની ખરીદી કરી શકે છે. આ સિવાય જે લોકો 2222 રૂપિયાના 3 મહિનાના દિવાળી પ્લાન સાથે નવું Jio AirFiber કનેક્શન લે છે તેઓ પણ આ ઑફર માટે પાત્ર બનશે. હાલના JioFiber અને AirFiber યુઝર્સ પણ રૂ. 2222નું એડવાન્સ રિચાર્જ કરીને આ ઓફરનો લાભ લઈ શકે છે.
રિલાયન્સ ડિજિટલ દ્વારા લાયક ગ્રાહકોને 12 કૂપન આપવામાં આવશે, જે નવેમ્બર 2024 થી ઓક્ટોબર 2025 સુધી દર મહિને આપવામાં આવશે.
ગ્રાહકો નજીકના રિલાયન્સ ડિજિટલ, માય જિયો સ્ટોર, જિયોપોઈન્ટ સ્ટોર અથવા જિયોમાર્ટ ડિજિટલ એક્સક્લુઝિવ સ્ટોર પર રૂ. 15,000થી વધુની ઇલેક્ટ્રોનિક્સ ખરીદી માટે આ કૂપનનો ઉપયોગ કરી શકશે.
Jio AirFiber એ Reliance Jioની નવીનતમ બ્રોડબેન્ડ સેવા છે, જે 5G ટેક્નોલોજી પર આધારિત છે. આમાં, તમારા ઘરની છત પર એક આઉટડોર યુનિટ ઇન્સ્ટોલ કરવામાં આવે છે.
તમને વાયરલેસ રાઉટર દ્વારા હાઇ-સ્પીડ ઇન્ટરનેટ ઍક્સેસ પ્રદાન કરવામાં આવે છે. Jio AirFiberની કિંમત 599 રૂપિયાથી શરૂ થાય છે અને દર મહિને 3,999 રૂપિયા સુધી જાય છે.
આમાં તમને માત્ર ઈન્ટરનેટ સુવિધા જ નહીં, પરંતુ 550થી વધુ ડિજિટલ ચેનલ્સ અને 14 OTT એપ્સની ઍક્સેસ પણ મળે છે. તેની પ્રીમિયમ યોજનાઓમાં Netflix, Amazon Prime અને JioCinema Primeના સબ્સ્ક્રિપ્શનનો પણ સમાવેશ થાય છે.
