Mukesh Ambani: રિલાયન્સ ઇન્ડસ્ટ્રીઝ લિમિટેડના ચેરમેન અને એમડી મુકેશ અંબાણી ગુરુવારે બદ્રીનારાયણ મંદિરમાં પૂજા કરવા માટે પરિવાર સાથે બદ્રીનાથ પહોંચ્યા હતા. તે દર વર્ષે પવિત્ર મંદિરની મુલાકાત લે છે. બદ્રીનાથ-કેદારનાથ મંદિર સમિતિના અધ્યક્ષ અને ઉપાધ્યક્ષ તેમજ BKTCના ભૂતપૂર્વ CEO BD સિંહ દ્વારા તેમનું સ્વાગત કરવામાં આવ્યું હતું. અંબાણી પરિવાર નિયમિતપણે મંદિરો અને પવિત્ર યાત્રાધામોની મુલાકાત લેવા માટે જાણીતું છે.
ગયા મહિને મુકેશ અંબાણી તેમની પત્ની નીતા અંબાણી અને પરિવારના અન્ય સભ્યો ભગવાન ગણપતિના આશીર્વાદ લેવા મુંબઈના સિદ્ધિવિનાયક મંદિરની મુલાકાતે ગયા હતા. તેમણે ગણેશ ચતુર્થીના તહેવારની ઉજવણી માટે તેમના મુંબઈના નિવાસસ્થાન એન્ટિલિયા ખાતે એક કાર્યક્રમનું પણ આયોજન કર્યું હતું. જેમાં બોલિવૂડ, સ્પોર્ટ્સ, બિઝનેસ અને પોલિટિક્સના કેટલાક ફેમસ લોકો હાજર રહ્યા હતા.
ગયા વર્ષે મુકેશ અંબાણીએ તેમના સૌથી નાના પુત્ર અનંત અંબાણીની મંગેતર રાધિકા મર્ચન્ટ સાથે બદ્રીનાથ ધામ અને કેદારનાથ ધામની મુલાકાત પણ લીધી હતી. Livemint અનુસાર, અંબાણીએ આંધ્ર પ્રદેશમાં તિરુપતિ બાલાજી મંદિરની મુલાકાત દરમિયાન ₹1.5 કરોડનું દાન પણ આપ્યું હતું. સપ્ટેમ્બરમાં, તેમણે રાજસ્થાનના નાથદ્વારામાં શ્રીનાથજી મંદિરની મુલાકાત લીધી હતી અને પ્રાર્થના કરી હતી.
