સ્ટેટ બેંક ઓફ ઈન્ડિયા (SBI) એ તેની વિશેષ ફિક્સ ડિપોઝિટ સ્કીમ્સ - અમૃત કલશ અને અમૃત દ્રષ્ટિ માટે નાણાકીય વર્ષના અંત સુધી સમયમર્યાદા લંબાવી છે. અગાઉ આ યોજના 30 સપ્ટેમ્બર સુધી લાગુ હતી પરંતુ હવે તે 31 માર્ચ 2025 સુધી ચાલુ રહેશે.
SBIની અમૃત કલશ યોજના 400 દિવસના સમયગાળા માટે 7.10% વ્યાજ દર ઓફર કરે છે જ્યારે અમૃત વૃષ્ટિ યોજના 444 દિવસ માટે 7.25% વ્યાજ ઓફર કરે છે. વરિષ્ઠ નાગરિકોને આ યોજનાઓ પર વધારાના 50 બેસિસ પોઈન્ટ્સનો લાભ મળશે.
નવી 444-દિવસની સ્કીમ 15 જુલાઈ, 2024ના રોજ શરૂ કરવામાં આવી હતી, જે આરબીઆઈએ બેંકના વડાઓને જૂનની શરૂઆતમાં ડિપોઝિટ અને ક્રેડિટ વૃદ્ધિ વચ્ચેના તફાવતને ઘટાડવાના નિર્દેશ આપ્યાના થોડા અઠવાડિયા પછી જ શરૂ કરવામાં આવી હતી.
રોકાણકારો માટે આ એક સુવર્ણ તક છે કારણ કે વધેલા વ્યાજ દરો તેમને વધુ સારું વળતર મેળવવામાં મદદ કરશે. જો તમે આ યોજનાઓમાં રોકાણ કરવાનું વિચારી રહ્યા છો, તો તમારી પાસે તમારી સુવિધા અનુસાર 31 માર્ચ 2025 સુધીનો સમય છે.
તમે કેવી રીતે રોકાણ કરી શકો છો
SBIની ‘અમૃત દૃષ્ટિ’ સ્કીમમાં રોકાણ ચોક્કસ સમયગાળા માટે લોક કરવું પડશે. તેનાથી રોકાણકારોને મહત્તમ વળતર મળશે. જો તમે પણ આ યોજનામાં રોકાણ કરવા માંગો છો, તો તમે સ્ટેટ બેંક ઓફ ઈન્ડિયાની શાખામાં જઈને અથવા બેંકના મોબાઈલ L SBI અને Yono Lite અથવા ઈન્ટરનેટ બેંકિંગ દ્વારા રોકાણ કરી શકો છો. ‘અમૃત દ્રષ્ટિ’ FD સ્કીમમાં રોકાણ ઓનલાઈન અને ઓફલાઈન બંને રીતે કરી શકાય છે.
