ભારતની અંદર હાલના દિવસોમાં રોકાણના ઘણા વિકલ્પો ઉપલબ્ધ છે, મ્યુચ્યુઅલ ફંડ્સથી લઈને બેંક એફડી અને પોસ્ટ ઓફિસ સેવિંગ્સ સ્કીમ્સ. જેમાં લોકો ભવિષ્યને સુરક્ષિત કરવા માટે રોકાણ કરે છે. આજે અહીં એવી બે યોજનાઓ વિશે માહિતી આપવામાં આવી રહી છે, જેમાંથી તમે કોઈપણ વિકલ્પ પસંદ કરી શકો છો. તમારા માટે SBI FD અથવા પોસ્ટ ઓફિસ TD કયું સારું રહેશે ?
ભારતીય સ્ટેટ બેંક દ્વારા પાંચ વર્ષના સમયગાળા માટે ફિક્સ્ડ ડિપોઝિટ ઓફર કરવામાં આવે છે. એક તરફ, જ્યાં SBIના ફિક્સ્ડ ડિપોઝિટના દરો 5.5% છે, બીજી તરફ, પોસ્ટ ઑફિસ ટર્મ ડિપોઝિટમાં રોકાણ પાંચ વર્ષ માટે 6.7% વ્યાજ દર ઓફર કરે છે, જે ત્રિમાસિક બદલાય છે. ભારત સરકારે જૂન સુધી વર્તમાન દર યથાવત રાખ્યા છે.
SBI FD વ્યાજ દરો
7 દિવસથી 10 વર્ષની વચ્ચેના SBI FD સામાન્ય ગ્રાહકોને બેંક દ્વારા 2.9% થી 5.5% સુધીનું વ્યાજ આપવામાં આવે છે. વરિષ્ઠ નાગરિકોને આ થાપણો પર 3.4% થી 6.30% સુધીના વધારાના 50 બેસિસ પોઈન્ટ્સ (bps) મળશે. આ દર 15 ફેબ્રુઆરી 2022થી લાગુ થશે. ચાલો જાણીએ કે કયા સમયગાળા માટે કેટલું વ્યાજ મળશે.
7 દિવસથી 45 દિવસ પર 2.9% વ્યાજ
46 દિવસથી 179 દિવસ સુધીના રોકાણ પર 3.9% વ્યાજ દર
180 દિવસથી 210 દિવસના રોકાણ પર 4.4 ટકા વળતર
211 દિવસથી 1 વર્ષથી ઓછા રોકાણ પર 4.4% વળતર
1 વર્ષથી 2 વર્ષથી ઓછા રોકાણ પર 5.1% વ્યાજ
5.2% વ્યાજ દર 2 વર્ષથી 3 વર્ષથી ઓછા સુધી
3 વર્ષથી 5 વર્ષથી ઓછા રોકાણ પર 5.45% વ્યાજ
અને 5 વર્ષ અને 10 વર્ષ સુધીના રોકાણ પર 5.5% વ્યાજ આપવામાં આવશે.
પોસ્ટ ઓફિસ ટીડી વ્યાજ દર
બેંક એફડીની જેમ, રોકાણકારો પાંચ વર્ષની મુદત સાથે પોસ્ટ ઑફિસ ટર્મ ડિપોઝિટ પણ ખોલી શકે છે, જેમાં ગ્રાહકો ખાતરીપૂર્વક વળતર મેળવે છે. 1લી એપ્રિલ 2020 ના રોજ પોસ્ટ ઓફિસ ડિપોઝિટ પરનો યથાવત છે. એક વર્ષ થી ત્રણ વર્ષ માટે 5.5% વ્યાજ આપશે. જ્યારે પાંચ વર્ષના ફિક્સ ડિપોઝીટ ખાતા માટે પોસ્ટ ઓફિસ 6.7% વ્યાજ ચૂકવે છે.
