khissu.com@gmail.com

khissu

SBI vs PNB vs ICICI Bank vs Axis Bank: જાણો કઈ બેંક લોકર લેતા પહેલા કેટલો ચાર્જ લઈ રહી છે?

બેંક લોકરને સેફ ડિપોઝીટ લોકર તરીકે પણ ઓળખવામાં આવે છે. મોટાભાગના લોકો તેમના ઘરેણાં, કિંમતી ચીજવસ્તુઓ અને મહત્વપૂર્ણ દસ્તાવેજો વગેરે બેંક લોકરમાં રાખે છે. જો કે, બેંકો આ સેવા માટે ફી વસૂલે છે. લોકર નો ચાર્જ લોકરના કદ પર નિર્ભર કરે છે.l  ઘણી બેંકો અને તેમની કેટલીક શાખાઓ તેમના ગ્રાહકોને થાપણોના બદલામાં બેંક લોકર સેવા પૂરી પાડે છે અને લોકર ઉપલબ્ધતાના આધારે ફાળવવામાં આવે છે. આ ઉપરાંત, રજીસ્ટ્રેશન ફી અને લોકર ખોલવાની ફી પણ છે.  કઈ બેંકમાં તમારે લોકર સેવા માટે કેટલી ચૂકવણી કરવી પડશે-

અહીં જાણો સ્ટેટ બેંક ઓફ ઈન્ડિયા (SBI), ICICI બેંક (ICICI બેંક), પંજાબ નેશનલ બેંક (PNB) અને Axis બેંક (Axis Bank) બેંક લોકર સેવા પર ગ્રાહક પાસેથી કેટલો ચાર્જ લેવામાં આવે છે?

SBI લોકર શુલ્ક
સ્ટેટ બેંક ઓફ ઈન્ડિયા (SBI)ની વેબસાઈટ અનુસાર, લોકરના કદ અને શહેરને આધારે બેંક લોકરનો ચાર્જ રૂ. 500 થી રૂ. 3,000 સુધીનો હોય છે. SBI નાના, મધ્યમ, મોટા અને વધારાના મોટા કદના લોકર માટે, બેંક મેટ્રો અને શહેરી વિસ્તારોમાં અનુક્રમે રૂ. 2,000, રૂ. 4,000, રૂ. 8,000 અને રૂ. 12,000 ચાર્જ કરે છે. જ્યારે, અર્ધ-શહેરી અને ગ્રામીણ વિસ્તારોમાં નાના, મધ્યમ, મોટા અને વધારાના મોટા કદના લોકર માટે, બેંક અનુક્રમે રૂ. 1,500, રૂ. 3,000, રૂ. 6,000 અને રૂ. 9,000 ચાર્જ કરે છે. રજીસ્ટ્રેશન ફી SBI બેંક દ્વારા લેવામાં આવે છે. સ્ટેટ બેંક ઓફ ઈન્ડિયામાં લોકર ધરાવતા દરેક ગ્રાહકને વર્ષમાં 12 વખત મફતમાં લોકર ખોલવાની સુવિધા છે. આનાથી વધુ ખોલવા માટે, તમારે દરેક વખતે અલગથી રૂ.100+GST ચૂકવવા પડશે.

ICICI બેંક લોકર શુલ્ક
ICICI બેંક અનુસાર, એક લોકરમાં વધુમાં વધુ પાંચ ભાડૂતો હોઈ શકે છે. સેફ ડિપોઝિટ લોકર માટે અરજી કરવા માટે તમારે લોકર એપ્લિકેશન, લોકર એગ્રીમેન્ટ લેટર અને બે ફોટોગ્રાફ્સની જરૂર પડશે. ICICI બેંક વાર્ષિક લોકર ભાડાના પૈસા એડવાન્સમાં લે છે. ICICI બેંક અનુસાર, લોકર ભાડે આપવા માટે તમારી પાસે ICICI બેંક એકાઉન્ટ હોવું જરૂરી છે. ICICI બેંક નાના કદના લોકર માટે રૂ. 1,200 - 5,000 અને વધારાના મોટા લોકર્સ માટે રૂ. 10,000 થી રૂ. 22,000 ચાર્જ કરે છે. આ તમામ ફિસ GST સિવાયના છે.

PNB બેંક લોકર શુલ્ક
PNB બેંકે હાલમાં જ અન્ય ચાર્જીસ સાથે લોકર ચાર્જમાં વધારો કરવાની જાહેરાત કરી છે. નવા નિયમ મુજબ, PNB લોકર ધારકો હવે એક વર્ષમાં લોકરની 12 ફ્રી વિઝિટ કરી શકશે, 13મી વિઝિટથી દરેક વિઝિટ પર 100 રૂપિયાનો ચાર્જ લેવામાં આવશે. લોકરનું વાર્ષિક ભાડું ગ્રામીણ અને અર્ધ-શહેરી વિસ્તારોમાં રૂ. 1250 થી રૂ. 10,000ની વચ્ચે હોય છે.  શહેરી અને મેટ્રો માટે, બેંક ચાર્જ 2000 થી 10,000 રૂપિયાની વચ્ચે છે. 

એક્સિસ બેંક લોકર શુલ્ક
એક્સિસ બેંકના જણાવ્યા અનુસાર, એક મહિનામાં 3 વખત ફ્રી વિઝિટની સંખ્યા નક્કી કરવામાં આવી છે, ત્યારબાદ પ્રતિ વિઝિટ 100 રૂપિયા + GST ​​લાગુ થાય છે. એક્સિસ બેંકની વેબસાઇટ અનુસાર, મેટ્રો અથવા શહેરી શાખામાં નાના કદના લોકર માટે ભાડા ચાર્જ 2,700 રૂપિયાથી શરૂ થાય છે. મધ્યમ કદના લોકરનું ભાડું રૂ. 6,000, મોટા કદના રૂ. 10,800 અને વધારાના મોટા કદના લોકરનું ભાડું રૂ. 12,960 છે.