સ્ટેટ બેંક ઓફ ઈન્ડિયાએ ગ્રાહકોની સુવિધાને ધ્યાનમાં રાખીને નિયમોમાં ઘણા ફેરફાર કર્યા છે. હવે એટીએમમાંથી કેશ ઉપાડવાના નિયમો પણ બદલાઈ ગયા છે. આ માહિતી તમારા માટે ખૂબ જ મહત્વપૂર્ણ છે, નહીં તો તમારે તેનું નુકસાન સહન કરવું પડી શકે છે. SBI એ ATM ટ્રાન્ઝેક્શનને વધુ સુરક્ષિત બનાવવા માટે એક નવી પહેલ કરી છે. જો તમારું SBI બેંકમાં ખાતું છે, તો આ માહિતી તમારા માટે મહત્વપૂર્ણ છે.
હવે તમારે SBI ATMમાંથી પૈસા ઉપાડવા માટે OTP દાખલ કરવો પડશે. આ નવા નિયમમાં ગ્રાહકો OTP વગર રોકડ ઉપાડી શકશે નહીં. આવી સ્થિતિમાં, જો તમે આ વિશે જાણતા નથી, તો તેને સારી રીતે જાણો, નહીં તો તમારા પૈસા ફસાઈ શકે છે. SBI બેંક દ્વારા એક ટ્વીટ દ્વારા આ જાણકારી આપવામાં આવી છે.
હવે તમારે ATMમાંથી દસ હજાર રૂપિયાથી વધુ ઉપાડવા માટે OTPની મદદ લેવી પડશે. આ OTP તમારા રજિસ્ટર્ડ મોબાઈલ પર મોકલવામાં આવશે. તે પછી તમારે તેનો ઉપયોગ કરવો પડશે. SBI ગ્રાહકોને તેમના રજિસ્ટર્ડ મોબાઇલ નંબર અને તેમના ડેબિટ કાર્ડ પિન પર મોકલવામાં આવેલા OTP સાથે તેમના બેંક ખાતામાંથી દર વખતે તેમના ATMમાંથી રૂ. 10,000 અને તેથી વધુ ઉપાડવાની મંજૂરી આપશે.
જાણો પૂરી પ્રક્રીયા:
SBI ATMમાંથી પૈસા ઉપાડવા માટે તમારે OTPની જરૂર પડશે.
આ માટે તમારા રજિસ્ટર્ડ મોબાઈલ નંબર પર એક OTP મોકલવામાં આવશે.
આ OTP ચાર અંકોનો હશે જે ગ્રાહકને એક ટ્રાન્ઝેક્શન માટે મળશે.
એકવાર તમે જે રકમ ઉપાડવા માંગો છો તે દાખલ કરી લો, પછી તમને ATM સ્ક્રીન પર OTP દાખલ કરવા માટે કહેવામાં આવશે.
તમારે કેશ ઉપાડ માટે આ સ્ક્રીનમાં બેંકમાં રજીસ્ટર કરેલ મોબાઇલ નંબર પર પ્રાપ્ત OTP દાખલ કરવો પડશે.
જાણો- બેંકે કેમ બદલ્યા નિયમો?: ગ્રાહકોને છેતરપિંડીથી બચાવવા માટે બેંકે આ પગલું ભર્યું છે. બેંકને સતત છેતરપિંડીની ફરિયાદો મળી રહી છે. SBI પાસે ભારતમાં 71,705 BC આઉટલેટ્સ સાથે 22,224 શાખાઓ અને 63,906 ATMનું સૌથી મોટું નેટવર્ક છે.
