જે લોકો સુરક્ષિત અને ગેરંટીવાળા વળતર સાથે રોકાણમાં વિશ્વાસ રાખે છે તેઓ મોટાભાગે બેંકોમાં રોકાણ કરે છે, પરંતુ બેંકોની જેમ પોસ્ટ ઓફિસોમાં પણ ઘણી યોજનાઓ ચલાવવામાં આવે છે. ઘણી યોજનાઓ બેંકો કરતા વધુ સારું વળતર આપે છે. અહીં સરકાર દર ક્વાર્ટરમાં પોસ્ટ ઓફિસ સ્મોલ સેવિંગ્સ સ્કીમના વ્યાજ દરોમાં સુધારો કરે છે. જો કે, નાણાકીય વર્ષ 2024-25ના બીજા ક્વાર્ટર (જુલાઈથી સપ્ટેમ્બર) માટે વ્યાજ દરમાં કોઈ ફેરફાર કરવામાં આવ્યો નથી, એટલે કે વર્તમાન વ્યાજ દર આ ક્વાર્ટરમાં પણ લાગુ રહેશે. જો તમે પણ આ મહિને પોસ્ટ ઓફિસની કોઈ સ્કીમમાં રોકાણ કરવા ઈચ્છો છો, તો અહીં ચેક કરો કે કઈ સ્કીમ પર કેટલું વ્યાજ મળશે
પોસ્ટ ઓફિસ બચત ખાતું: 4%
1 વર્ષ FD: 6.9%
2 વર્ષની FD: 7.0%
3 વર્ષની FD: 7.1%
5 વર્ષ FD: 7.5%
5 વર્ષ TD: 6.7%
વરિષ્ઠ નાગરિક યોજના: 8.2%
માસિક આવક યોજના (MIS): 7.4%
પબ્લિક પ્રોવિડન્ટ ફંડ સ્કીમ (PPFS): 7.1%
સુકન્યા સમૃદ્ધિ યોજના ખાતું(SSY): 8.2%
રાષ્ટ્રીય બચત પ્રમાણપત્ર (NSC): 7.7%
કિસાન વિકાસ પત્ર (KVP): 7.5%
મહિલા સન્માન બચત પ્રમાણપત્ર (MSSC): 7.5%
આ યોજનાઓ માત્ર પોસ્ટ ઓફિસમાં જ ઉપલબ્ધ છે
તમને આમાંની કેટલીક યોજનાઓ માટે બેંકોમાં પણ વિકલ્પો મળશે, જ્યારે કેટલીક યોજનાઓ ફક્ત પોસ્ટ ઓફિસમાં જ ખોલી શકાય છે. નેશનલ સેવિંગ્સ સર્ટિફિકેટ, મહિલા સન્માન સેવિંગ્સ સર્ટિફિકેટ, મંથલી ઈન્કમ સ્કીમ એવી સ્કીમ છે જેમાં તમારે રોકાણ કરવા માટે પોસ્ટ ઑફિસ જવું પડે છે.
