આમ પણ કોરોના સમયગાળા દરમિયાન લાખો લોકોએ તેમની નોકરી ગુમાવી હતી. બેરોજગારીને કારણે, લોકો હજુ પણ સારી નોકરીની શોધમાં અહીં અને ત્યાં ભટકતા રહે છે. એક નોકરીની ઓફર ઇન્ટરનેટ પર વાયરલ થઈ રહી છે, જે કોઈ પણ વ્યક્તિ માટે આશ્ચર્યજનક ઓફર સાબિત થઈ શકે છે. કોબી તોડવા માટે એટલા પૈસા આપવામાં આવી રહ્યા છે કે જેની તમે કલ્પના પણ નહીં કરી શકો. યુકેની ખેતી કરતી કંપની કોબી તોડવા માટે ભારે પગાર આપી રહી છે.
જો કોઈ તમને શાકભાજી તોડવા માટે વાર્ષિક 63 લાખ રૂપિયાનું પેકેજ આપે, તો શું તમે તેને જવા દો? એટલું જ નહીં, ઓવરટાઇમના રૂપિયાઅલગથી આપવામાં આવશે. યુકેની એક કંપની આવી જ એક ઓફર લઈને આવી છે, જે સોશિયલ મીડિયા પર ચર્ચાનો વિષય બની છે.
યુકેની ખેતી કરતી કંપની ટીએચ ક્લેમેન્ટ્સ એન્ડ સન લિમિટેડે આ નોકરી સંબંધિત ઓનલાઇન જાહેરાત બહાર પાડી છે. જેમાં કહેવામાં આવ્યું છે કે સમગ્ર વર્ષ દરમિયાન ખેતરમાંથી કોબી તોડવાનું કામ છે. આમાં, પસંદ કરેલા કર્મચારીને દરરોજ 30 પાઉન્ડ એટલે કે 3 હજાર રૂપિયાથી વધુનો દૈનિક પગાર મળશે. જાહેરાત મુજબ કર્મચારીનું વાર્ષિક પેકેજ 62 હજાર 400 પાઉન્ડ (ભારતીય ચલણમાં 63 લાખ 20 હજારથી વધુ) હશે. કંપનીની જાહેરાતમાં એવું પણ લખવામાં આવ્યું છે કે આ કામ સખત મહેનત વાળું છે અને તે આખું વર્ષ કરવું પડશે.
કંપનીએ આ જોબ પ્રોફાઇલ માટે બે જાહેરાતો બહાર પાડી છે. એકમાં, કંપનીને કોબી તોડવા માટે ફિલ્ડ ઓપરેટિવ્સની જરૂર છે. આ કામ અંતર્ગત કોબી તોડવા પ્રમાણે રૂપિયા આપવામાં આવશે. આ જોબમાં વ્યક્તિને પ્રતિ કલાક ત્રણ હજાર આપવામાં આવે છે. તમને જણાવી દઈએ કે આ નોકરીમાં કોબીનીં સંખ્યા મુજબ પગાર ધોરણ નક્કી કરવામાં આવ્યું છે. મતલબ, તમે જેટલી કોબી તોડશો એટલા વધુ પૈસા મળશે.
