સ્ટેટ બેંક ઓફ ઇન્ડિયા (State Bank of India - SBI) એ તેના ગ્રાહકોની સુવિધા માટે અલગ-અલગ જગ્યાએ AWDM મશીનો સ્થાપિત કર્યા છે. આ મશીનોની વિશેષતા એ છે કે તમે રોકડ ઉપાડવાની સાથે તેમાં રોકડ જમા પણ કરી શકો છો. એસબીઆઇએ પોતાના ૪૫ કરોડ ગ્રાહકોને આ અંગેની માહિતી આપી છે. જો તમે પણ એસબીઆઈ (SBI) ના ગ્રાહક છો, તો હવે તમારે તમારા ઘરની પાસે સ્થિત AWD મશીનથી પૈસા ઉપાડી શકો છો અને જમા પણ કરાવી શકો છો. ચાલો તમને જણાવી દઈએ કે આ ADW મશીનો શું છે અને તે કેવી રીતે કાર્ય કરે છે.
બેંકે તેના ઓફિશિયલ ટ્વિટર હેન્ડલ પર માહિતી આપી.
સ્ટેટ બેંક ઓફ ઇન્ડિયા (SBI) એ તેના સત્તાવાર ટ્વિટર હેન્ડલ પર આ મશીન વિશે માહિતી આપી છે. એસબીઆઈ બેંકે જણાવ્યું છે કે આ મશીનો દેશભરમાં 13 હજારથી વધુ સ્થળોએ લગાવવામાં આવ્યા છે, જ્યાંથી પૈસા ઉપાડી પણ શકાય છે અને જમા પણ કરી શકાય છે. આ મશીન વિશે વિડિઓ શેર કરતી વખતે બેંકે લખ્યું છે કે, તમારો સમય બીજા મહત્વપૂર્ણ કાર્યો માટે બચાવો કારણ કે હવે તમારે પૈસા ઉપાડવા કે જમા કરવા બેંકે જવાની જરૂર નથી આ માટે તમે તમારા નજીકના ADWM પર જઈ શકો છો.
આ પણ વંચો: SBI ના ગ્રાહકો માટે મોટા સમાચાર: બેંકના કાર્યકારી સમયમાં થયો ફેરફાર, બેંકે જતા પહેલાં જાણી લો આ નિયમ
ADWM શું છે?
ADWM મશીન એટીએમની જેમ એક મશીન છે. આ મશીન દ્વારા પૈસા ઉપાડવાને બદલે પૈસા જમા કરાવવામાં ઉપયોગ થતો હતો. એટલે કે, તમે અહીંથી કોઈપણ એસબીઆઇ ખાતામાં બેંકમાં જઇને જમા કરી શકો છો. પરંતુ, હવે આ મશીનો દ્વારા પૈસા પણ ઉપાડી શકાશે અને બેંકે ગ્રાહકોને પણ આ અંગેની જાણ કરી દીધી છે કે ત્યાંથી પૈસા પણ ઉપાડી શકાય છે. આ મશીનોનું સંપૂર્ણ નામ Automated Deposit and Withdrawal Machine (ADWM) છે. અત્યાર સુધી આ મશીનનો ઉપયોગ માત્ર પૈસા જમા કરાવવા માટે થતો હતો.
ADWM દ્વારા કઈ રીતે પૈસા ઉપાડી શકાય?
આ મશીન દ્વારા પૈસા ઉપાડવાની કોઈ અલગ રીત નથી તમે જે રીતે એટીએમ (ATM) માંથી પૈસા ઉપાડો છો, તે જ રીતે તમે આ મશીનમાંથી પૈસા પણ ઉપાડી શકો છો. આમાં, પૈસા ઉપાડવા માટેની પ્રક્રિયા અલગ નથી.
ATM કાર્ડ વિના પૈસા કઈ રીતે ઉપાડી શકાય?
ATM કાર્ડ વિના પૈસા ઉપાડવા માટે એસબીઆઈ (SBI) ની ઇન્ટરનેટ બેંકિંગ એપ્લિકેશન યોનો (YONO) ને ડાઉનલોડ કરો, પછી ‘YONO Cash' પર ક્લિક કરો ત્યાર બાદ તમારો એકાઉન્ટ નંબર પસંદ કરો અને ઉપાડની રકમ દાખલ કરો. ત્યારબાદ ટ્રાન્ઝેક્શન પિન દાખલ કરવો પડશે. હવે એક મેસેજ આવશે જેમાં યોનો કેશ ટ્રાન્ઝેક્શન નંબર હશે. આ પછી, ગ્રાહકે એસબીઆઇ (SBI) એટીએમ (ATM) પર જવું પડશે અને એટીએમ સ્ક્રીન પર ‘YONO Cash' પસંદ કરવું પડશે અને ટ્રાન્ઝેક્શન નંબર, ઉપાડની રકમ સાથે YONO Cash પિન દાખલ કરવો પડશે. વેરિફિકેશન પુર્ણ થયા પછી ગ્રાહકને એટીએમમાંથી પૈસા મળી જશે.
આ પણ વાંચો: શું તમે બેંકોની આ સુવિધા વિશે જાણો છો? SBI, BOB, ICICI, Axis Bank વગેરે બેંકમાં આ સુવિધા ઉપલબ્ધ
આવી માહિતી અમે khissu ના માધ્યમથી તમારા સુધી પહોંચાડતા રહીશું એટલા માટે khissu એપ ને ડાઉનલોડ કરી લેજો અને આ માહિતી દરેક લોકો જાણી શકે તે માટે તમારા what's app ગ્રૂપ અને Facebook ગ્રૂપમાં શેર કરો.
