જો તમે લાંબા ગાળે તમારા પૈસા બમણા કરવા માટે કોઈ નક્કર વિકલ્પ શોધી રહ્યા છો, તો FD એ એક અસરકારક વિકલ્પ છે. દેશની સૌથી મોટી બેંક SBIમાં ગ્રાહકોને 7 દિવસથી 10 વર્ષ સુધીની FDની સુવિધા પણ મળે છે. SBI વિવિધ પાકતી મુદતની FD પર ગ્રાહકને 3.5 ટકાથી 7 ટકા વાર્ષિક વ્યાજ આપે છે. SBIની FD સ્કીમ વરિષ્ઠ નાગરિકો માટે લાંબા ગાળાના રોકાણ માટે સારો વિકલ્પ છે.
SBI FD: ₹10 લાખને ₹20 લાખમાં કેવી રીતે ફેરવવું
ધારો કે, નિયમિત ગ્રાહક SBIમાં 10 વર્ષની FDમાં 10 લાખ રૂપિયા જમા કરે છે. SBI FD કેલ્ક્યુલેટર મુજબ, રોકાણકારને પાકતી મુદત પર વાર્ષિક 6.5 ટકાના વ્યાજ દરે કુલ રૂ. 19,05,559 મળશે. તેનાથી વ્યાજમાંથી 9,05,559 રૂપિયાની નિશ્ચિત આવક મળશે. એટલે કે તમારી જમા રકમ લગભગ બમણી થઈ જશે.
બીજી તરફ, એક વરિષ્ઠ નાગરિક SBIની 10 વર્ષની FDમાં 10 લાખ રૂપિયા જમા કરાવે છે. SBI FD કેલ્ક્યુલેટર મુજબ, વરિષ્ઠ નાગરિકને પાકતી મુદત પર વાર્ષિક 7.5 ટકાના વ્યાજ દરે કુલ રૂ. 21,02,349 મળશે. આમાં વ્યાજમાંથી 21,02,349 રૂપિયાની નિશ્ચિત આવક થશે. એટલે કે, તમારી જમા રકમ બમણીથી વધુ થશે.
SBI FD: વ્યાજની આવક પર ટેક્સ લાગશે
બેંક એફડી સામાન્ય રીતે સલામત માનવામાં આવે છે. જોખમ ન લેતા રોકાણકારો માટે આ એક સારો વિકલ્પ છે. 5-વર્ષની કર બચત FD ને કલમ 80C હેઠળ કર મુક્તિનો લાભ મળે છે. જો કે, FDમાંથી મળતું વ્યાજ કરપાત્ર છે.
આવકવેરા નિયમો (IT નિયમો) અનુસાર, FD સ્કીમ પર ટેક્સ ડિડક્શન એટ સોર્સ (TDS) લાગુ પડે છે. એટલે કે, FDની પાકતી મુદત પર મળેલી રકમ તમારી આવક તરીકે ગણવામાં આવશે અને તમારે સ્લેબ રેટ મુજબ ટેક્સ ચૂકવવો પડશે. કર કપાતમાંથી મુક્તિ મેળવવા માટે, થાપણદાર ફોર્મ 15G/15H સબમિટ કરી શકે છે.
