Bank Employees Strike: ડિસેમ્બરમાં કેટલાક દિવસો સુધી બેંકોનું કામકાજ બંધ રહી શકે છે કારણ કે આગામી મહિનામાં કેટલાક દિવસો સુધી વિવિધ બેંકોમાં હડતાળ રહેશે. ઓલ ઈન્ડિયા બેંક એમ્પ્લોઈઝ એસોસિએશન (AIBEA) એ આ મામલે એક નોટિફિકેશન જારી કરીને આ જાણકારી આપી છે. AIBEAએ ડિસેમ્બર 2023માં અલગ-અલગ તારીખે બેંકોમાં હડતાળની જાહેરાત કરી છે. પીટીઆઈ અનુસાર આ હડતાલ 4 ડિસેમ્બરથી 11 ડિસેમ્બર, 2023 સુધી શરૂ થશે. જાણો કયા દિવસે બેંકોમાં કામકાજ ખોરવાઈ જશે.
ડિસેમ્બર 2023માં આ દિવસોમાં બેંકોમાં હડતાળ રહેશે
4 ડિસેમ્બર, 2023- સ્ટેટ બેંક ઓફ ઈન્ડિયા, પંજાબ નેશનલ બેંક અને પંજાબ એન્ડ સિંધ બેંકમાં હડતાળ રહેશે.
5 ડિસેમ્બર, 2023- બેંક ઓફ બરોડા અને બેંક ઓફ ઈન્ડિયામાં હડતાળ રહેશે.
6 ડિસેમ્બર, 2023- કેનેરા બેંક અને સેન્ટ્રલ બેંક ઓફ ઈન્ડિયામાં હડતાળ રહેશે.
7 ડિસેમ્બર, 2023- ઈન્ડિયન બેંક અને યુકો બેંકમાં હડતાળ રહેશે.
8 ડિસેમ્બર, 2023- યુનિયન બેંક ઓફ ઈન્ડિયા અને બેંક ઓફ મહારાષ્ટ્રમાં હડતાળ પડશે.
9 અને 10 ડિસેમ્બર, 2023- બેંકોમાં શનિવાર અને રવિવારની સાપ્તાહિક રજા.
11 ડિસેમ્બર, 2023- ખાનગી બેંકોમાં હડતાળ રહેશે.
શું છે બેંક કર્મચારીઓની માંગ?
બેંક કર્મચારીઓની આ હડતાળ પાછળનું મુખ્ય કારણ બેંકમાં પૂરતા સ્ટાફની માંગ છે. આ સાથે બેંકિંગ સેક્ટરમાં આઉટસોર્સિંગ પર પ્રતિબંધ મૂકીને કાયમી નોકરીઓની સંખ્યા વધારવા જેવી માંગણીઓ પણ સામેલ છે.
દિવાળી પર લોકોએ બેફામ દારૂ પીધો, 2.5 કરોડ બોટલ વેચાઈ ગઈ, વેચાણમાં સીધો 37%નો ઉછાળો, હિસાબ કેટલો થાય?
આ બાબતે માહિતી આપતાં AIBEAના જનરલ સેક્રેટરી, C.H. વેંકટચલમે કહ્યું કે છેલ્લા કેટલાક વર્ષોમાં બેંકોમાં નીચલા સ્તરે આઉટસોર્સિંગની સંખ્યામાં વધારો થયો છે. આવી સ્થિતિમાં હંગામી કર્મચારીઓની સંખ્યામાં વધારો થવાથી ગ્રાહકોની અંગત માહિતી પણ જોખમમાં છે.
એક ક્લિક અને ખેલ ખતમ, WhatsApp પર એક ભૂલથી બેંક બેલેન્સ થઈ જશે ઝીરો, 82 ટકા લોકો શિકાર બન્યા
ગ્રાહકોને મુશ્કેલીનો સામનો કરવો પડશે
નોંધનીય છે કે AIBEA દ્વારા પ્રસ્તાવિત હડતાલના કારણે ગ્રાહકોને ભારે મુશ્કેલીનો સામનો કરવો પડી શકે છે. 4 ડિસેમ્બરથી 11 ડિસેમ્બર દરમિયાન વિવિધ બેંકોમાં કામકાજમાં વિક્ષેપને કારણે તમારા ઘણા મહત્વપૂર્ણ કાર્યો અટકી શકે છે. આવી સ્થિતિમાં, જો તમારે આગામી મહિનામાં કોઈ મહત્વપૂર્ણ કાર્ય પૂર્ણ કરવાનું છે, તો હવેથી આ સૂચિ તપાસો અને તમારા બેંક સંબંધિત કાર્યની યોજના બનાવો.
