સ્નાન એ આપણી રોજિંદી પ્રવૃત્તિનો એક ભાગ છે. શરીરને સ્વચ્છતા અને તાજગી મેળવવા માટે આ કામ ખૂબ જ જરૂરી છે. આનાથી આપણે ગંદકીથી થતા રોગોથી બચીએ છીએ અને તાજગી અનુભવીએ છીએ. દરેક વ્યક્તિની નહાવાની રીત અલગ-અલગ હોય છે, કેટલાક લોકો ડોલમાં પાણી ભરીને સ્નાન કરે છે, કેટલાક શાવરથી સ્નાન કરે છે અને કેટલાક બાથટબનો સહારો લે છે. આવો, આજે અમે તમને જણાવીશું કે નહાવાના પાણીમાં કઈ 5 વસ્તુઓ મિક્સ કરવી જેથી દિવસભર તાજગીનો અહેસાસ જળવાઈ રહે.
આ પણ વાંચો: કપાસનાં ભાવમાં ઉછાળો: શુ હવે ભાવ વધશે ? ભાવમાં ધટાડો થશે કે વધારો ? જાણો અહી
લીંબુનો રસ
લીંબુ આપણી ત્વચા માટે ખૂબ જ ફાયદાકારક છે. નહાવાના પાણીમાં લીંબુનો રસ નીચોવી. તે પરસેવાથી થતી દુર્ગંધ અને બેક્ટેરિયાને મારી નાખે છે. તમે આખો દિવસ તાજગી અનુભવશો.
ગ્રીન ટીનું
ગ્રીન ટીનું નામ સાંભળીને તમે ચોંકી જ ગયા હશો, પરંતુ આ વાત સાચી છે કે તમે નહાતી વખતે તેનો ઉપયોગ કરી શકો છો. જો તમે પાણીમાં ગ્રીન ટી મિક્સ કરીને નહાશો તો પરસેવાની દુર્ગંધ દૂર થઈ જશે.
ફટકડી
ફટકડી ત્વચા માટે ખૂબ જ ફાયદાકારક માનવામાં આવે છે કારણ કે તેમાં એન્ટી બેક્ટેરિયલ ગુણ હોય છે. જો તમે ડોલ અથવા ટબમાં ફટકડી મિક્સ કરો છો, તો શરીરનું રક્ત પરિભ્રમણ સારું રહેશે.
આ પણ વાંચો: આવતા મહિને થઈ જશે 5 મોટા ફેરફાર, જેની સીધી અસર તમારા ખિસ્સા પર પડશે
સિંધવ મીઠું
ઘણી વખત આપણા શરીરમાં ખૂબ જ દુર્ગંધ આવે છે, તેથી સૌથી પહેલા નહાવાના પાણીને હૂંફાળું બનાવી લો અને તેમાં સિંધવ મીઠું મિક્સ કરો. આમ કરવાથી તમને દુર્ગંધથી છૂટકારો મળશે અને તમે દિવસ દરમિયાન તાજગી અનુભવશો.
લીમડાના પાન
લીમડાના પાનમાં ઘણા ઔષધીય ગુણો હોય છે જે આપણી ત્વચાને રોગોથી બચાવે છે. નહાતા પહેલા લીમડાના પાનને પાણીમાં ઉકાળો અને તે પાણીને ગાળીને નહાવાના પાણીમાં મિક્સ કરો. તેનાથી સ્કિન ઈન્ફેક્શન, ખંજવાળ અને ગંદકી દૂર થશે.
