કપાસનાં ભાવમાં ઉછાળો: શુ હવે ભાવ વધશે ? ભાવમાં ધટાડો થશે કે વધારો ? જાણો અહી

વૈશ્વિક બજારની તુલનાએ ભારતીય રૂનાં ભાવ સરેરાશ ઊંચા હોવાથી ચાલુ વર્ષે નિકાસ મોરચે મોટો ફટકો પડે તેવી સંભાવનાં દેખાય રહીછે અને તેની અસરે આગામી દિવસોમાં સ્થાનિક ભાવ નીચા આવે તેવી પણ સંભાવનાં દેખાય રહી છે.

આ પણ વાંચો: આવતા મહિને થઈ જશે 5 મોટા ફેરફાર, જેની સીધી અસર તમારા ખિસ્સા પર પડશે

દેશમાં રૂની આવકો ધારણાંથી ઓછી આવી રહી છે અને ભાવ સરેરાશ નીચા થવા લાગ્યાં હોવાથી વેપારો પણ ઓછા છે. ખેડૂતો હાલના ભાવથી પણ બજારમાં માલ લાવવા તૈયાર નથી, પરિણામે તેની અસર બજાર ઉપર મોટી થઈ રહી છે.

રૂનાં વેપારીઓ કહે છે કે ગુજરાતમાં ચૂંટણી પૂરી થયા બાદ ડિસેમ્બરની શરૂઆતમાં કપાસ-રૂની આવકોમાં વધારો થાય તેવી ધારણા છે અને ત્યાર બાદ ભાવ નીચા આવી શકે છે. કોટન એસોસિએશન ઓફ ઈન્ડિયાનાં પ્રમુખ અતુલ ગણાત્રાએ જણાવ્યું હતું કે ભારતીય રૂનાં ભાવ અત્યારે વૈશ્વિક ભાવની તુલનાએ ખાંડી દીઠ (૩૫૬ કિલો) રૂ.૬૦૦૦ જેટલા ઊંચા બોલાય રહ્યાં છે. પરિણામે હાલના ભાવથી કોઈ જ નિકાસ વેપારો નથી.

આ પણ વાંચો: બેંકોના આ નિયમો 12 ડિસેમ્બરથી બદલાશે, નહિ કરી શકો ટ્રાન્ઝેક્શન

સામાન્ય રીતે બલ્કમાં રૂનાં નિકાસ વાપરો ઓક્ટોબરથી જાન્યુઆરીનાં સમયગાળામાં થતી હોય છે પંરતુ ચાલુ વર્ષે ખાસ નિકાસ જ નથી. આ ચાર મહિનામાં આપણે ૬૦થી ૭૦ ટકા નિકાસ કરી લેતા હોય છીએ.

દેશમાંથી રૂની નિકાસ ચાલુ વર્ષ દરમિયાન ૩૦ લાખ ટનની માંડ થાય તેવી ધારણાં છે જે ગત સિઝન વર્ષમાં કુલ ૪૩ લાખ ટનની નિકાસ થઈ હતી. એક અન્ય રૂનાં નિકાસકારે જણાવ્યું હતું કે ભારતીય રૂનાં ભાવ પાંચથી છ ટકા જેટલા ઊંચા હોવાથી અત્યારે નિકાસમાં પેરિટી જ નથી.વિયેતનામ અને બાંગ્લાદેશનાં બાયરો અત્યારે અમેરિકાથી રૂની આયાત કરી રહ્યાં છે, જે ભારત કરતાં સસ્તુ રૂ સપ્લાય કરે છે, પરિણામે ભારતીય મિલો હરિફાઈમાં ટકી શકે તેમ નથી.