લોકસભા ચૂંટણી 2024ના પરિણામો પહેલા તમામનું ધ્યાન શેરબજારમાં આવેલા ઘટાડા પર છે. શેરબજારમાં સતત બે-ત્રણ દિવસથી ઘટાડો જોવા મળી રહ્યો છે, પરંતુ સોના-ચાંદીના ભાવ આસમાને છે. છેલ્લા બે દિવસથી સોના-ચાંદીના ભાવમાં વધારો થઈ રહ્યો છે. આજે એટલે કે 29 મે, 2024ના રોજ પ્રતિ 10 ગ્રામ સોનાની કિંમતમાં 270 રૂપિયાનો વધારો થયો છે. જ્યારે ચાંદીના ભાવમાં 1200 રૂપિયાનો વધારો થયો છે. ચાલો જાણીએ સોના અને ચાંદીના નવા ભાવ.
સોના અને ચાંદીના નવીનતમ ભાવ શું છે?
ગઈકાલે એટલે કે 28મી મે 2024ના રોજ સોનાનો પ્રતિ 10 ગ્રામનો ભાવ રૂ. 66,850 હતો, જેમાં રૂ. 250નો વધારો થયો છે અને આ પછી 22K સોનાનો તાજેતરનો ભાવ રૂ. 67,100 પ્રતિ 10 ગ્રામ થઈ ગયો છે. જ્યારે 24K સોનાની કિંમત 72,930 રૂપિયા પ્રતિ 10 ગ્રામથી વધીને 73,200 રૂપિયા થઈ ગઈ છે. ચાંદીની વાત કરીએ તો 28 મેના રોજ પ્રતિ કિલો ચાંદીની કિંમત 96,500 રૂપિયા હતી, જે આજે 97,700 રૂપિયા થઈ ગઈ છે.
હાલ સોનાના ભાવમાં ઘટાડાની કોઈ શક્યતા નથી
બ્રોકરેજ ફર્મ મોતીલાલ ઓસ્વાલ ફાઇનાન્શિયલ સર્વિસે બુધવારે જણાવ્યું હતું કે સ્થાનિક બજારમાં સોનાની માંગ યથાવત છે. હાલ સોનાના ભાવમાં ઘટાડાની કોઈ શક્યતા નથી. તે ટૂંક સમયમાં 81 હજાર રૂપિયાના આંકડાને સ્પર્શી શકે છે. તેમણે રોકાણકારોને સોનામાં ઘટાડાની રાહ જોવાની સલાહ આપી છે. ઘટાડા દરમિયાન ખરીદી કરવાથી જ રોકાણકારોને ફાયદો થશે. મોતીલાલ ઓસ્વાલનો અંદાજ છે કે સોનાના ભાવ રૂ. 69,000 આસપાસ સ્થિર થશે. મોતીલાલ ઓસવાલે પોતાના રિપોર્ટમાં કહ્યું છે કે 2650 ડોલર પર ગયા બાદ કોમોડિટી એક્સચેન્જ પર ગોલ્ડ રેટ 2250 ડોલરની આસપાસ અટકી શકે છે.
ચાંદીના ભાવમાં સતત ત્રીજા દિવસે વધારો થયો છે
એચડીએફસી સિક્યોરિટીઝના જણાવ્યા અનુસાર ચાંદીના ભાવમાં સતત ત્રીજા દિવસે વધારો થયો છે. બુધવારે, તે રૂ. 1150 વધીને રૂ. 97,100 પ્રતિ કિલોના સર્વકાલીન ઊંચા દરે પહોંચ્યો હતો. મંગળવારે ચાંદીનો ભાવ 95,950 રૂપિયા પ્રતિ કિલો હતો. મલ્ટી કોમોડિટી એક્સચેન્જ (MCX) પર ચાંદીનો દર પણ કિલોગ્રામ દીઠ રૂ. 96,493ના સર્વોચ્ચ આંક પર પહોંચી ગઈ છે
આંતરરાષ્ટ્રીય બજારમાં પણ કિંમતો સતત વધી રહી છે
દિલ્હીમાં સોનાની કિંમત 250 રૂપિયા વધીને 73,200 રૂપિયા પ્રતિ 10 ગ્રામ થઈ ગઈ છે. એક દિવસ પહેલા સોનાનો ભાવ 72,950 રૂપિયા પ્રતિ 10 ગ્રામ હતો. આંતરરાષ્ટ્રીય બજારમાં સ્પોટ ગોલ્ડ (24 કેરેટ)નો દર પણ 6 ડોલર વધીને 2352 ડોલર પર પહોંચી ગયો છે. મધ્ય પૂર્વમાં તણાવના કારણે સોનાના ભાવમાં સતત વધારો થઈ રહ્યો છે. નોંધનિય છે કે, ભારતમાં સોનાની સતત વધતી રહે છે. ખાસ કરીને લગ્નની સિઝનમાં સોનાની ખરીદીમાં મોટો વધારો જોવા મળે છે.
