અષાઢ-શ્રાવણમાં મેઘ મહેર! સાયક્લોનિક સર્ક્યુલેશનથી રાજ્યભરમાં આગામી 7 દિવસ સાર્વત્રિક વરસાદની આગાહી
હવામાન વિભાગ દ્વારા ગુજરાત માટે ચોમાસાની તાજી અને મહત્વપૂર્ણ અગાઈ જાહેર કરવામાં આવી છે. રાજ્યમાં આગામી સાત દિવસ દરમિયાન સાર્વત્રિક રીતે સામાન્યથી મધ્યમ વરસાદી માહોલ રહેવાની સંભાવના વ્યક્ત કરવામાં આવી છે. રાજ્યમાં વિવિધ હવામાન સિસ્ટમો એકસાથે સક્રિય થવાના કારણે વરસાદી ગતિવિધિઓમાં વધારો જોવા મળશે.
અરબી સમુદ્ર અને બંગાળની ખાડી તરફથી ભેજવાળા પવનો આવી રહ્યા છે, જેને પગલે લો પ્રેશર અને મોનસૂન ટ્રફ સક્રિય બન્યા છે. આ ઉપરાંત રાજ્યના ઉપરી વાતાવરણમાં સાયક્લોનિક સર્ક્યુલેશન પણ સક્રિય થતાં વરસાદ માટે સાનુકૂળ પરિસ્થિતિ સર્જાઈ છે. આ ત્રણેય સિસ્ટમની સંયુક્ત અસરથી રાજ્યના વિવિધ વિસ્તારોમાં મેઘમહેર જોવા મળશે.
11 ઓગસ્ટે પંચમહાલ અને દાહોદ સહિતના વિસ્તારોમાં ભારે વરસાદની આગાહી
વરસાદી સિસ્ટમ વધુ મજબૂત બનતા આગામી 11 ઓગસ્ટના રોજ રાજ્યના કેટલાક ખાસ વિસ્તારોમાં ભારેથી અતિભારે વરસાદ પડવાની શક્યતા છે. ખાસ કરીને મધ્ય ગુજરાતના પંચમહાલ અને દાહોદ જિલ્લાઓમાં ભારે વરસાદની વિશેષ આગાહી કરવામાં આવી છે. આ વિસ્તારોમાં ભારે વરસાદને પગલે નીચાણવાળા વિસ્તારો અને નદી-નાળાઓમાં પાણીની આવક વધી શકે છે.
રાજ્યમાં સરેરાશ કરતાં વધુ વરસાદ: સૌરાષ્ટ્રમાં હજુ પણ ઘટ
ગુજરાતમાં સરેરાશ 491.2 મીમી વરસાદ નોંધાઈ ચૂક્યો છે, જે ચોમાસાની મોસમ મુજબ સામાન્ય કરતાં 9 ટકા વધુ છે. જોકે, પ્રદેશવાર આંકડાઓ પર નજર કરીએ તો દક્ષિણ અને મધ્ય ગુજરાતની સરખામણીએ સૌરાષ્ટ્ર પંથકમાં હજુ પણ વરસાદની ઘટ જોવા મળી રહી છે. સૌરાષ્ટ્રમાં અત્યાર સુધીમાં સામાન્ય કરતાં 13 ટકા ઓછો વરસાદ નોંધાયો છે, જેથી આગામી દિવસોમાં અહીં પણ સારા વરસાદની આશા સેવાઈ રહી
