દેશની સૌથી મોટી બેંક સ્ટેટ બેંક ઓફ ઈન્ડિયા (SBI)ના ક્રેડિટ કાર્ડ ગ્રાહકો માટે એક ખરાબ સમાચાર છે. બેંકે કહ્યું છે કે, તે તેના ક્રેડિટ કાર્ડ સાથે કરવામાં આવતા તમામ EMI વ્યવહારો પર પ્રોસેસિંગ ચાર્જ તેમજ ટેક્સ વસૂલશે.
SBI ની કાર્ડ શાખા SBI કાર્ડ્સ એન્ડ પેમેન્ટ સર્વિસીસ પ્રાઈવેટ લિમિટેડે (SBICPSL) જાહેરાત કરી છે કે, કંપની 99 રૂપિયાનો પ્રોસેસિંગ ચાર્જ અને તેના પર ટેક્સ વસૂલશે. નવો નિયમ 1 ડિસેમ્બર, 2021થી અમલમાં આવશે. બેંક આ પ્રોસેસિંગ ચાર્જ રિટેલ આઉટલેટ્સ તેમજ એમેઝોન, ફ્લિપકાર્ટ અને મિંત્રા જેવી ઈ-કોમર્સ વેબસાઈટ પર કરવામાં આવતા તમામ EMI વ્યવહારો પર પણ લાગુ કરવામાં આવશે.
SBI ક્રેડિટ કાર્ડ ધારકોને નવા શુલ્ક વિશે ઈ-મેલ દ્વારા જાણ કરવામાં આવી છે. SBI કાર્ડે જણાવ્યું છે કે, 01 ડિસેમ્બર, 2021થી દરેક EMI ટ્રાન્ઝેક્શન પર 99 રૂપિયાનો પ્રોસેસિંગ ચાર્જ અને ટેક્સ લાગશે. આ શુલ્ક આઉટલેટ/ વેબસાઈટ/ એપ પર કરવામાં આવેલ કોઈપણ EMI ટ્રાન્ઝેક્શન પર વસૂલવામાં આવશે. આ દરો કોઈપણ વસ્તુની ખરીદી પર તે ચુકવણીને માસિક EMIમાં રૂપાંતરિત કરવા માટે વ્યાજ ચાર્જની ઉપર લેવામાં આવશે. હાલમાં લાખો લોકો આ સેવાનો લાભ લે છે.
નો-કોસ્ટ EMI પણ ચાર્જ વસૂલવામાં આવશે.
ઘણી વખત ઘણા વેપારીઓ(મરચન્ટ) બેંકને વ્યાજ ચૂકવીને EMI ટ્રાન્ઝેક્શન પર ડિસ્કાઉન્ટ આપે છે. આ ઓફર એવા ગ્રાહકો માટે 'ઝીરો ઈન્ટરેસ્ટ'ના રૂપમાં ઉપલબ્ધ છે જેમણે કંઈક ખરીદ્યું છે. આ કિસ્સામાં પણ, SBI ક્રેડિટ કાર્ડ ધારકોએ 1 ડિસેમ્બરથી 99 રૂપિયાની પ્રોસેસિંગ ફી ચૂકવવી પડશે. અહેવાલો અનુસાર, 99 રૂપિયાની પ્રોસેસિંગ ફી ફક્ત તે જ વ્યવહારો પર લેવામાં આવશે જે માસિક હપ્તા અથવા EMI ટ્રાન્ઝેક્શનમાં રૂપાંતરિત થશે.
પ્રોસેસિંગ ફી રીવર્સ થઈ શકે છે.
બીજી તરફ ટ્રાન્ઝેક્શન નિષ્ફળ જવા અથવા રદ થવાના કિસ્સામાં પ્રોસેસિંગ ફી રિફંડ કરીને EMI પરત કરવામાં આવશે. જો કે, EMI પૂર્વ-બંધ થવાના કિસ્સામાં, તે ઉલટાવી શકાશે નહીં. 1 ડિસેમ્બર પહેલા કરવામાં આવેલા વ્યવહારો માટે, પરંતુ જેમની EMI આ તારીખ પછી શરૂ થશે તો બેંક તેના પર કોઈ પ્રોસેસિંગ ફી વસૂલશે નહીં કારણ કે તેમના માટે જૂના નિયમો લાગુ થશે. મરચન્ટ EMI માં રૂપાંતરિત વ્યવહારો માટે, કંપની કોઈપણ રિવોર્ડ પોઈન્ટ લાગુ કરશે નહીં.
નવો નિયમ કેવી રીતે કામ કરશે?
ધારો કે તમે બેંકની EMI સ્કીમ હેઠળ તમારા SBI ક્રેડિટ કાર્ડનો ઉપયોગ કરીને એક ઈ-કોમર્સ વેબસાઈટ ઉદાહરણ તરીકે Amazon પરથી મોબાઈલ ફોન ખરીદો છો, તો આ પછી SBICPSL ટ્રાન્ઝેક્શનની પ્રક્રિયા કરવા માટે તમારી પાસેથી 99 રૂપિયાની વધારાની ફી વસૂલશે. તે તમારી પાસેથી આ ફી પર ટેક્સ પણ વસૂલશે. આ વધારાની રકમ તે પ્રોડક્ટ માટેની EMI રકમ સાથે તમારા ક્રેડિટ કાર્ડના તમારા માસિક સ્ટેટમેન્ટમાં પણ પ્રતિબિંબિત થશે.
Buy Now, Pay Later પર પણ અસર થશે.
રિપોર્ટ અનુસાર, SBI કાર્ડ્સનું આ નવું પગલું 'Buy Now, Pay Later' સ્કીમને અસર કરશે, કારણ કે તેનાથી નવી ખરીદીઓ વધુ મોંઘી થઈ શકે છે. આ વિકલ્પો સામાન્ય રીતે ઈ-કોમર્સ વેબસાઇટ્સ દ્વારા ઓફર કરવામાં આવે છે. SBI કાર્ડ્સ એન્ડ પેમેન્ટ સર્વિસિસ (SBI કાર્ડ) એ તાજેતરમાં જણાવ્યું હતું કે તે પ્રાઈવેટ પ્લેસમેન્ટ ધોરણે બોન્ડ ઈશ્યુ કરીને રૂ. 2,000 કરોડ એકત્ર કરશે. કંપનીના બોર્ડે નોન-કન્વર્ટિબલ ડિબેન્ચર્સ (NCDs) દ્વારા કુલ રૂ. 2,000 કરોડ એકત્ર કરવાની મંજૂરી આપી છે.
