ભારતની સૌથી મોટી બેંક સ્ટેટ બેંક ઓફ ઇન્ડિયા (State Bank of India- SBI) તેના ગ્રાહકો માટે એક ખુશખબર લાવ્યા છે. કોરોના સમયગાળા દરમિયાન લોકોને તેમના ઘરે બેંકિગ સુવિધા મળી રહે તે માટે બેંકે એક મહત્વની સુવિધા શરૂ કરી છે. તમે ઘરે બેઠાં બેઠાં પૈસા ઉપાડી શકો છો અને રોકડા પણ મેળવી શકો છો, આ માટે તમારે બેંકમાં જવાની જરૂર નથી. ખરેખર, બેંક હવે ઘરે બેઠાં બેઠાં જ પે ઓર્ડર, નવી ચેકબુક, નવી ચેકબુક રિક્વેસ્ટ સ્લિપ જેવી ઘણી સુવિધાઓ પ્રદાન કરી રહી છે.
બેંક સ્ટેટ બેંક ઓફ ઇન્ડિયા એ 'એસબીઆઈ ડોરસ્ટેપ બેંકિંગ' સુવિધા શરૂ કરી છે. આ સુવિધા અંતર્ગત, તમે ઘરે બેસીને જ દરરોજના 20,000 રૂપિયા સુધી નાણાં ઉપાડી પણ શકો છો અને જમા પણ કરી શકો છો.
રોકડ ઉપાડની વિનંતી કરતા પહેલાં તમારી પાસે તમારા બેંક એકાઉન્ટમાં પૂરતું બેલેન્સ હોવું આવશ્યક છે. જો તમારા ખાતામાં પૂરતું બેલેન્સ નઈ હોય તો તે ટ્રાન્ઝેક્શન રદ કરવામાં આવશે. એસબીઆઈએ એક ટ્વીટ દ્વારા આ માહિતી આપી હતી. એસબીઆઈએ તેના ઓફિશિયલ ટ્વિટરમાં લખ્યું છે- 'હવે તમારી બેંક તમારા દરવાજે છે. ડોરસ્ટેપ બેંકિંગ (Sbi Doorstep Banking) માટે આજે જ નોંધણી કરો. વધુ વિગતો માટે તમે આ લિંક https://bank.sbi/dsb પર ક્લિક કરી શકો છો.
એસબીઆઈ ડોરસ્ટેપ બેંકિંગની ખાસ સુવિધાઓ:
- એસબીઆઈ ડોરસ્ટેપ બેંકિંગ માટે, હોમ શાખામાં નોંધણી કરાવવી પડશે.
- કોન્ટેક્ટ સુવિધા પર આ સુવિધા પૂર્ણ ન થાય ત્યાં સુધી તે હોમ શાખામાં જ અરજી કરવાની રહેશે.
- પૈસા જમા કરાવવા અને ઉપાડવાની બંનેની મહત્તમ મર્યાદા દરરોજનાં 20,000 રૂપિયા છે.
- તમામ બિન નાણાંકીય વ્યવહારો માટે સર્વિસ ચાર્જ 60 + જીએસટી જ્યારે નાણાકીય વ્યવહારો માટે તે 100 + જીએસટી છે.
- પૈસા ઉપાડવા માટે ચેક અને ઉપાડના ફોર્મ સાથે, પાસબુક પણ જરૂરી રહેશે.
તમને જણાવી દઈએ કે સંયુક્ત એકાઉન્ટ્સ (Joint Account), માઈનર એકાઉન્ટ્સ (Minor Accounts), બિન-વ્યક્તિગત એકાઉન્ટ્સ (Non-Personal Accounts) તેમજ એવા ગ્રાહકો કે જેની નોંધણી કરાયેલ સરનામું હોમ શાખાથી 5 કિલોમીટરની ત્રિજ્યામાં છે, તેમને આ સુવિધા આપવામાં આવશે નહીં. ડોરસ્ટેપ બેંકિંગમાં નાણાકીય અને બિન-નાણાકીય સેવાઓ માટે 75 રૂપિયા + જીએસટી ચાર્જ લાગશે.
આ સિવાય તમે બેંકની મોબાઇલ એપ્લિકેશન, વેબસાઇટ અથવા કોલ સેન્ટર દ્વારા ડોરસ્ટેપ બેંકિંગ સેવા માટે નોંધણી કરાવી શકો છો. આ સિવાય કાર્યકારી દિવસોમાં સવારે 9 થી સાંજ 4 વાગ્યાની વચ્ચે ટોલ ફ્રી નંબર 1800111103 પર કોલ કરી શકો છો.
આવી વધારે માહિતી મેળવવા માટે અમારી Khissu ની એપ્લીકેશન ડાઉનલોડ કરી લો તથા આ માહિતી તમે અમારા Facebook પેજમાં જોઈ રહ્યાં છો તો અમારું Facebook પેજ ફોલો કરો. આ માહિતી જરૂરીયાત મંદ લોકો સુધી પહોંચે તે માટે તમારા What's App ગ્રુપ તથા Facebook ગ્રુપમાં શેર કરો.
