ઘણી બેંકો દ્વારા લોકરની સુવિધા આપવામાં આવે છે. ઘણા લોકો તેમની મહત્વપૂર્ણ વસ્તુઓને સુરક્ષિત રાખવા માટે આ સુવિધાનો લાભ લે છે. આ લોકરમાં લોકો તેમના મહત્વપૂર્ણ ડોક્યુમેન્ટ્સ, જ્વેલરી અથવા અન્ય કોઈ કિંમતી વસ્તુઓ રાખે છે. આ જ કારણ છે કે તેને સેફ ડિપોઝીટ લોકર પણ કહેવામાં આવે છે. જો કે આ લોકર મફતમાં ઉપલબ્ધ નથી. આ માટે તમારે દર વર્ષે બેંકને લોકર ભાડા સહિત અનેક ચાર્જ ચૂકવવા પડશે. ચાલો જાણીએ કે 5 બેંકોમાં લોકર ચાર્જિસ શું છે.
SBI Bank : સ્ટેટ બેંક ઓફ ઈન્ડિયામાં લોકર ખરીદતા પહેલા તમારે ધ્યાનમાં રાખવું પડશે કે તમારે લોકરનું ભાડાથી લઈને તેને ખોલાવવું, વારંવાર તેની મુલાકાત લેવા સહિત ઘણા પ્રકારના ચાર્જ ચૂકવવા પડી શકે છે. આ ચાર્જ 1500 રૂપિયાથી 9000 રૂપિયા સુધીનો હોઈ શકે છે અને તમારે તેના પર અલગથી GST પણ ચૂકવવો પડશે. રજીસ્ટ્રેશ માટે તમારે 500-1000 રૂપિયાનો ચાર્જ પણ ચૂકવવો પડશે.
HDFC Bank : જો તમે HDFC બેંકમાં લોકર ખોલો છો, તો તમારે લોકર માટે 500 રૂપિયાથી લઈને 20 હજાર રૂપિયા સુધીનો ચાર્જ ચૂકવવો પડી શકે છે. આ ચાર્જ તમે કયા વિસ્તારમાં લોકર સુવિધાનો લાભ લઈ રહ્યા છો અને લોકર કેટલું મોટું કે નાનું છે તેના પર નિર્ભર કરે છે.
Canara Bank : કેનેરા બેંકમાં રજીસ્ટ્રેશન માટે તમારે GSTની સાથે 400 રૂપિયા ચૂકવવા પડશે. જ્યારે લોકરનું ભાડું 1000 રૂપિયાથી લઈને 10 હજાર રૂપિયા સુધી હોઈ શકે છે. આ ચાર્જ તમે કયા વિસ્તારમાં લોકર સુવિધાનો લાભ લઈ રહ્યા છો અને લોકર કેટલું મોટું કે નાનું છે તેના પર નિર્ભર કરે છે.
ICICI Bank : ICICI બેંકમાં વિવિધ ક્ષેત્રો અને વિવિધ કદ અનુસાર વિવિધ પ્રકારના લોકર શુલ્ક પણ છે. જેની કિંમત 1200 રૂપિયાથી 22 હજાર રૂપિયા સુધીની છે.
Axis Bank : જો તમે એક્સિસ બેંકમાં લોકર લેવાનું વિચારી રહ્યા છો, તો તમારે 1500 રૂપિયાથી લઈને લગભગ 14,256 રૂપિયા સુધીના લોકર ચાર્જ ચૂકવવા પડી શકે છે.
