જો તમારા નવા લગ્ન થયા હોય, અથવા ઘરમાં બાળકનું આગમન થયું હોય, તો રેશનકાર્ડમાં પત્ની અને બાળકનું નામ કેવી રીતે ઉમેરવુ એ માહિતી આજે અમે તમને જણાવીશું. ઑફલાઇન મોડમાં, તમારે નામ ઉમેરવા માટે ઓફિસના ચક્કર લગાવવા પડી શકે છે. પરંતુ અમે તમને ઘરે બેઠા રેશનકાર્ડમાં બાળક અને પત્નીનું નામ ઉમેરવાની ઓનલાઈન પ્રક્રિયા જણાવીશું.
આ પણ વાંચો: પોસ્ટ ઓફિસની આ સ્કીમ તમારા પૈસા બમણી કરશે, તમારે આ રીતે રોકાણ કરવું પડશે
આ દસ્તાવેજોની જરૂર પડશે
જો કોઈ પરિવારના બાળકોનું નામ રેશનકાર્ડમાં ઉમેરવાનું હોય તો પરિવારના વડા પાસે રેશનકાર્ડ હોવું ફરજિયાત છે. પરિવારના વડાને અસલ કાર્ડ સાથે ફોટો કોપીની જરૂર પડશે. ઉપરાંત, બાળકોનું જન્મ પ્રમાણપત્ર અને તેમના માતાપિતાના આધાર કાર્ડની જરૂર પડશે.
જો ગ્રાહક રાશન કાર્ડમાં નવવિવાહિત મહિલાનું નામ ઉમેરવા માંગે છે, તો તેનું આધાર કાર્ડ, લગ્નનું પ્રમાણપત્ર અને તેના માતા-પિતાનું રેશનકાર્ડ ફરજિયાત છે.
આ પણ વાંચો: સાવધાન ગુજરાત: રાજયના 12 જિલ્લામાં યલો અને ઓરેંજ એલર્ટ જાહેર
રેશન કાર્ડમાં ઓનલાઈન નામ કેવી રીતે ઉમેરવું
પ્રથમ તમારા રાજ્યના ખાદ્ય પુરવઠાની સત્તાવાર સાઇટ પર જાઓ. https://www.digitalgujarat.gov.in/CitizenNew/ServiceDescriptionNew.aspx હવે તમારે લોગિન આઈડી બનાવવાનું રહેશે. જો તમારી પાસે પહેલેથી જ ID છે, તો તેની સાથે લોગ ઇન કરો. હોમ પેજ પર નવા સભ્ય ઉમેરોનો વિકલ્પ દેખાશે. આના પર ક્લિક કરો. તેના પર ક્લિક કર્યા પછી તમારી સામે એક નવું ફોર્મ ખુલશે. અહીં તમારે તમારા પરિવારના નવા સભ્યની તમામ માહિતી યોગ્ય રીતે ભરવાની રહેશે. એટલું જ નહીં, તમારે ફોર્મની સાથે જરૂરી દસ્તાવેજોની સોફ્ટ કોપી પણ અપલોડ કરવાની રહેશે. હવે ફોર્મ સબમિટ કરો. આ પછી તમને એક રજીસ્ટ્રેશન નંબર આપવામાં આવશે. આની મદદથી તમે આ પોર્ટલમાં તમારા ફોર્મને ટ્રેક કરી શકો છો. આ પછી અધિકારીઓ ફોર્મ અને દસ્તાવેજની તપાસ કરશે. જો બધું બરાબર હશે તો તમારું ફોર્મ સ્વીકારવામાં આવશે અને પોસ્ટ દ્વારા નવું રેશનકાર્ડ તમારા ઘરે પહોંચાડવામાં આવશે
