આપણે જાણીએ છીએ કે શરીરનું કંઇ નક્કી નથી ગમે ત્યારે તમે બિમાર પડી શકો છો. હાલમાં કોરોનાના રોગચાળા દરમિયાન કેટલાંય લોકો બિમારીમાં જકળાયા, જેના કારણે તેમની આર્થિક સ્થિતિ પણ લથડી પડી. આવી સ્થિતિમાં જો મેડિકલ ઈન્સ્યોરન્સ હોય તો તમે તમારા પરિવારને આવી મુશ્કેલીઓથી દૂર રાખી શકો છો.
મેડિકલ ઈન્સ્યોરન્સ ખરીદતા પહેલાં આ પાંચ બાબતોનું ધ્યાન રાખો.
1. રૂમના ભાડા સહિત કેપિંગને સમજો
મેડિકલ ઈન્સ્યોરન્સમાં રૂમનું ભાડું જણાવવું જરૂરી છે. આ સિવાય કપાતપાત્ર ભાડા વિશે માહિતી આપવી પડે છે. જો તમે તેના વિશે સાચી માહિતી નહિ આપો, તો તમારે મેડિકલ બિલનો મોટો હિસ્સો જાતે ચૂકવવો પડશે. દરેક વીમા યોજના માટે એક અલગ મર્યાદા છે.
2. તબીબી ઇતિહાસ જણાવવો આવશ્યક છે
જો તમે મેડિકલ ઈન્સ્યોરન્સ ખરીદો છો, તો તમારે પરિવારના તમામ સભ્યોનો સ્વાસ્થ્ય સંબંધિત ઇતિહાસ જણાવવાનો રહેશે. જો તમે કોઈપણ સભ્યની મેડિકલ કંડિશન છુપાવો છો, તો ભવિષ્યમાં મુશ્કેલી થઇ શકે છે. આવી સ્થિતિમાં ક્લેમમાં મુશ્કેલીથી બચવા માટે મેડિકલ હિસ્ટ્રી જણાવવી હિતાવહ છે.
3. યોગ્ય કવરેજ ખરીદો
તમારી જરૂરિયાત મુજબ યોગ્ય કવરેજ ખરીદો. આ સાથે એ જાણવું પણ જરૂરી છે કે હોસ્પિટલમાં દાખલ થતા પહેલા અને પછી કેટલો ખર્ચ કવર કરવામાં આવી રહ્યો છે. આરોગ્ય તપાસની સુવિધા છે કે નહીં. રાહ જોવાનો સમયગાળો શું છે? આ બધી માહિતી મેળવ્યા પછી જ વીમા પોલિસી ખરીદો. વીમા નિષ્ણાતોના મતે, મેડિકલ ઈન્સ્યોરન્સનું કવરેજ તમારી વાર્ષિક આવકના 50 ટકા હોવું જોઈએ. આ સિવાય છેલ્લા ત્રણ વર્ષમાં થયેલા મેડિકલ ખર્ચનો પણ આમાં સમાવેશ કરવો જોઈએ.
4. નાની ઉંમરે મેડિકલ ઈન્સ્યોરન્સ ખરીદો
જ્યારે તમે મેડિકલ ઈન્સ્યોરન્સ ખરીદો છો, ત્યારે તે તમામ પ્રકારના રોગોને આવરી લેવો જોઈએ. આ ઉપરાંત, તે આકસ્મિક કેસોને પણ આવરી લે તેવો હોવો જોઇએ. આ માટે બજારમાં વિવિધ પ્રકારના પ્લાન ઉપલબ્ધ છે. જો તમે મોટી ઉંમરે તબીબી વીમો ખરીદો છો, તો પ્રીમિયમની રકમ વધુ હશે. આવી સ્થિતિમાં નાની ઉંમરમાં મેડિકલ ઈન્સ્યોરન્સ ખરીદો, જેનાથી પ્રીમિયમની રકમ ઓછી થઈ જશે. યુવાન રહેવાથી, તમે રાહ જોવાની અવધિનો યોગ્ય લાભ લઈ શકશો. તેની સાથે કવરેજ પણ વધુ મળશે. આ રીતે, તબીબી વીમો ખરીદતી વખતે, આ ભૂલોને ટાળો અને શ્રેષ્ઠ યોજના પસંદ કરો.
5. ગૂગલની મદદથી શ્રેષ્ઠ પ્રોડક્ટ પસંદ કરો
આજે ઈન્ટરનેટ યુગમાં યુટ્યુબ અને ગૂગલ પર આખી દુનિયાની માહિતી ઉપલબ્ધ છે. આવી સ્થિતિમાં, કોઈ કંપનીનો મેડિકલ વીમો ખરીદતા પહેલા, તેની શરતો વિશે બધું જ જાણવું જરૂરી છે. જો તમને કોઈ શબ્દ સમજાતો ન હોય તો ગૂગલની મદદ લો. આ સિવાય યોજનાઓની એકબીજા વચ્ચે સરખામણી કરો. આ રીતે તમે તમારા માટે શ્રેષ્ઠ યોજના પસંદ કરી શકો છો.
