WHO એ ભારતીય ફાર્માસ્યુટિકલ કંપનીની કેટલીક દવાઓને લઈને મેડિકલ પ્રોડક્ટ એલર્ટ જાહેર કર્યું છે. વર્લ્ડ હેલ્થ ઓર્ગેનાઈઝેશન કહે છે કે મેઈડન ફાર્માસ્યુટિકલ્સ લિમિટેડની ડીકોન્જેસ્ટન્ટ દવાને કારણે લોકોને કિડનીની બીમારી થઈ રહી છે. એવો પણ દાવો કરવામાં આવ્યો છે કે ધ ગામ્બિયામાં આ દવાના કારણે 66 બાળકોના મોત થયા છે.
આ પણ વાંચો: વર્ષે માત્ર 20 રૂપિયાનું રોકાણ કરીને મેળવો 2 લાખનું વીમા કવર, જાણો કેવી રીતે
WHOએ કહ્યું છે કે તપાસ કંપની અને રેગ્યુલેટરી ઓથોરિટી ઓફ ઈન્ડિયા સાથે મળીને કરવામાં આવી રહી છે. રોયટર્સ અનુસાર, ફાર્માસ્યુટિકલ કંપનીએ આ મામલે કોઈ પ્રતિક્રિયા આપી નથી. જે ચાર દવાઓ માટે ચેતવણી જારી કરવામાં આવી છે તેમાં પ્રોમેથાઝીન ઓરલ સોલ્યુશન, કોફેક્સમાલાઇન બેબી કફ સીરપ, મેકોફ બેબી કફ સીરપ અને મેગ્રીપ એન કોલ્ડ કફ સીરપ છે. એવું કહેવામાં આવ્યું છે કે ફાર્માસ્યુટિકલ કંપની પણ આ ઉત્પાદનોની કોઈ ગેરંટી આપતી નથી. જ્યારે લેબમાં પરીક્ષણ કરવામાં આવ્યું ત્યારે જાણવા મળ્યું કે તેમાં ડાયેથિલિન ગ્લાયકોલ અને ઇથિલિન ગ્લાયકોલનું પ્રમાણ ઘણું વધારે છે.
આ પણ વાંચો: ઓનલાઇન બનાવો આયુષ્માન કાર્ડ, જુઓ તેની સરળ રીત
રિપોર્ટ્સ અનુસાર, દવામાં આ તત્વની ઝેરી અસરને કારણે પેટમાં દુખાવો, ઉલ્ટી, ઝાડા, પેશાબમાં અવરોધ, માથાનો દુખાવો, મગજ અને કિડની પર અસર થાય છે. WHOનું કહેવું છે કે જ્યાં સુધી સંબંધિત દેશના સત્તાધિકારી દ્વારા સંપૂર્ણ તપાસ ન થાય ત્યાં સુધી આ દવાઓનો ઉપયોગ ન કરવો જોઈએ. આ અન્ય જીવલેણ રોગો તરફ દોરી શકે છે
